Про лига. Фарғонадаги ўйин қаҳрамонлари энг яхши бўлган 14-тур лауреатлари
28 jun 2024 19:37
News
Про лига. Фарғонадаги ўйин қаҳрамонлари энг яхши бўлган 14-тур лауреатлари
Биз эса ўз одатимизга кўра тур лауреатларини эълон қиламиз.
"Championat.asia" сайти талқинига кўра 14-турнинг энг яхши дарвозабони — Мирзоҳид Маматхонов ("Шўртан")

"Шўртан" жамоаси бу турда Фарғонада "Қўқон-1912" меҳмони бўлди. Шу куни мезбонлар йирик ҳисобда мағлуб бўлганига қарамай ғузорликлар дарвозаси олдида бир қанча хавфли вазиятлар яратди. Уларнинг гол бўлишига "Шўртан" дарвозабони Мирзоҳид Маматхонов йўл қўймади. Унинг саъй-ҳаракатлари билан ушбу турда жамоаси дарвозасидан гол ўтказмади.
"Championat.asia" сайти талқинига кўра 14-турнинг энг яхши футболчиси — Муҳриддин Зоиров ("Шўртан")
Буни қарангки, 13-турда бўлгани каби бу сафар ҳам турнинг энг яхши футболчиси номига "Шўртан" аъзоси лойиқ кўрилди. Ғузорликлар ҳужумчиси Муҳриддин Зоиров "Қўқон-1912" билан баҳсда фаол ҳаракат қилди ва рақиб дарвозасини икки бор ишғол қилди. Ўз-ўзидан у сайтимиз талқинига кўра, 14-турнинг энг яхши футболчиси сифатида тан олинди.
"Championat.asia" сайти талқинига кўра 14-турнинг энг яхши мураббийи — Анвар Бердиев ("Шўртан")
Анвар Бердиев бошчилигидаги "Шўртан" бу мавсумнинг ўзида иккинчи маротаба "Қўқон-1912"ни таслим қилишни уддасидан чиқди. Ғузорликлар бу сафар рақибини сафарда 3:0 ҳисобида таслим қилди. Бунда Анвар Бердиевнинг ўрни катта ва шу сабабли "Шўртан" устози Про лига 14-турнинг энг яхши мураббийи деб тан олинди.
Similar news
championat.asia
Al Ain Cup. Остон Ўрунов порлаган оқшомда Ўзбекистон Мисрни мағлуб этди, финалда яна Эрон билан ўйнаймиз
U-17 Жаҳон чемпионати. Ўзбекистон U-17 терма жамоаси пенальтилар сериясида Хорватияни енгиб, кейинги босқичга йўл олди
Криштиану Роналду фаолиятида илк бор Португалия термаси сафида қизил карточка олди
Миср терма жамоаси собиқ юлдузи кечаги учрашувдан сўнг жамоа бош мураббийини танқид қилди
Comments