ПРЕВЬЮ. "Қизилқум" - "Локомотив"

«Қизилқум» – «Локомотив»
26 сентябрь 2014 йил. Навоий. “Ёшлик СМ” стадиони. 18:00
Ҳакамлар: Р.Эрматов, А.Расулов, Ж.Саидов, Ш.Рўзиқулов
Назоратчи: Б.Галеев.

Бу икки клубнинг йўллари олий лига ўйинларида 19 бор кесишган. Натижалар “Локо”нинг устунлигини кўрсатмоқда. “Темирйўлчилар” 8 марта ғалабага эришишган, 7та ўйинда “Қизилқум” зафар қучган. Яна 4та баҳсда ғолиб аниқланмаган. Тўплар нисбати эса “Локомотив” фойдасига. Тошкентликлар шу кунга қадар ўзаро ўйинларда 25та гол киритиб ўз дарвозаларидан 16 марта тўп олиб чиқишган. Ўзаро ўинларда “Локомотив” 28, “Қизилқум” 25 очкони қўлга киритган.

“Локомотив” олий лигада “Қизилқум” устидан 5:0 ҳисобида ғалаба қозонган. Бу ўзаро ўйинлардаги пойтахтликларнинг энг йирик ғалабаси ҳисобланади. “Қизилқум”нинг ўзаро ўйинлардаги эришган энг йирик ғалабаси эса 3:1га тенг.

Дастлабки даврада Тошкентда кечган ўйинда томошабинлар 5та гол кўришган. Дастлаб навоийликлар вакили Руслан Вагапов ҳисобни очганди. Шундан сўнг “Локомотив” вакиллари тўртта гол уришди. Иван Нагаев, Иброҳим Раҳимов, Садриддин Абдуллаев ва Илҳом Суюнов меҳмонлар дарвозасини ишғол қилганди – 4:1.  

“Қизилқум” майдонида бўлиб ўтган сўнгги беш учрашув:
26.08.2013 «Қизилқум» - «Локомотив» 1:0
08.08.2012 «Қизилқум» - «Локомотив» 1:1
03.04.2010 «Қизилқум» - «Локомотив» 0:1
29.06.2009 «Қизилқум» - «Локомотив» 1:0
05.07.2008 «Қизилқум» - «Локомотив» 1:0

Ўзаро ўйинлар ҳақида факт: “Қизилқум” майдонида бўлиб ўтган 9та ўйиннинг 5тасида майдон эгалари уч очкога эга бўлишган. Уч марта дуранг қайд этилган. “Локомотив” фақат бир бора сафардан ғолиб сифатида қайтган.