Превью. "Қизилқум" - "Динамо"

«ҚИЗИЛҚУМ» – «ДИНАМО»
3 май. Навоий. "Ёшлар" спорт мажмуаси. 18:30
Ҳакамлар: Р.Эрматов, А.Расулов, Ж.Саидов, Э.Турсунов
Назоратчи: Ғ.Каримов

Бу икки клуб олий лигада 28 бора тўқнаш келган. Ушбу ўйинлардан 11 тасида зарафшонликлар ғолиб бўлишган. 8 ўйин дуранг ҳисобида якунланган. “Динамо” шу кунга қадар олий лигада “Қизилқум”ни 9 марта мағлубиятга учрата олган.

“Динамо” 39та гол урган ва 35та ўтказиб юборган. “Қизилқум” ўзаро ўйинларда 41 очко ишлаб олган. Самарқандликларнинг кўрсаткичи эса 35 очко. “Қизилқум”нинг олий лигада “Динамо” устидан эришган энг йирик ғалабаси 3:1 ни ташкил қилади. “Динамо”нинг эса зарафшонликлар устидан қозонган энг йирик ғалабси – 6:1 га тенг.

Ўтган мавсум биринчи давранинг 13-турида Зарафшонда бўлиб ўтган ўйинда 1:1 ҳисобида дуранг қайд этилган. Меҳмонлар ҳужумчиси Тўлқин Мирзаев биринчи бўлимда ҳисоб очган, ҳакам томонидан ўйинга қўшиб берилган дақиқаларда Наврўз Алимов мувозанатни тиклаган эди. 14-турда Самарқандда бўлиб ўтган ўйинда эса Тўлқин Мирзаевнинг ягона голи мезбонларга уч очко тақдим этган – 1:0.

“Қизилқум” майдонида ўтган сўнгги беш учрашув:
04.07.2013  «Қизилқум» – «Динамо»  1:1
28.04.2012  «Қизилқум» – «Динамо»  1:1
28.05.2011  «Қизилқум» – «Динамо»  2:1
18.09.2010  «Қизилқум» – «Динамо»  3:1
14.08.2009  «Қизилқум» – «Динамо»  2:0

Ўзаро ўйинлар ҳақида факт : “Динамо” клуби 2008 йилги мавсумда олий лигада “Қизилқум” уйидан ғалаба билан қайтган. Ушбу ғалаба Самарқанд жамоаси учун сафарда қўлга киритилган ягона ғалаба бўлиб турибди. Қолган ўйинлардаги натижалар – 9та мағлубият 4та дуранг.