Превью. «Норин» - «Зомин»

Бунда Хаққулободнинг “Норин” жамоаси Зоминнинг “Зомин” жамоасини “Шодлик” стадионида қабул қилади.

Жамоалар ўзаро иккинчи бор тўқнаш келишмоқда. Ўзбекистон Биринчилиги-2016 баҳсларининг биринчи давра 4–турда “Суғдиёна” ўйингоҳида ўзаро учрашишган эди. Ўшанда Хаққулобод жамоаси 1-0 ҳисобида ғалаба қозониб, мезбонларни ҳафа қилган эди.

Ўтган 32-турда мезбонлар “Хотира-79” жамоаси меҳмони бўлиб, 1-0 ҳисобида ғалабани таъминланган бўлса, "Зомин" ўз майдонида “Орол” жамоаси устидан 4-3 ҳисобида зафар қучишган эди. Натижада жамоаларда ғалабадан сўнг, руҳий устунлик сақланиб қолган.

“Норин” жамоаси 32-турга келиб, мусобақа жадвалида пешқадам “Динамо” жамоасидан кейин иккинчи ўринда бормоқда. “Зомин” жамоаси эса шу турга келиб 10-ўринни банд этган.

Бу учрашувни турнинг марказий учрашуви десак муболаға бўлмайди. Сабаби мезбонлар кейинги йилги Олий лигада иштирок этиш учун жон жаҳти билан олдинга ташланаётган бўлса, меҳмонлар мусобақа жадвалида кучлилар сафига кириш учун ҳаракат қилишади.

Иккала жамоанинг мухлисларини “Шодлик” стадионида учрашувга таклиф қилиб қоламиз. Учрашув соат 15-00да бошланади.

Имкониятлар: 40/30/30

2016 ЙИЛ
БИРИНЧИ ДАВРА
4-тур.20апрель (чоршанба)   
«Зомин» (Зомин) – «Норин» (Хаққулобод) – 0:1. 311 томошабин.
Ҳакамлар: Ф. Нарсафаров (Қарши), М. Каримов (Тошкент), С. Нишанбаев (Тошкент), М. Файзуллаев.
Назоратчи: А. Арутюнов (Тошкент).
Голлар: В. Алексин (90+1).
Огоҳлантиришлар:С. Аллаев (83) – С. Сафаров (71).

ИККИНЧИ ДАВРА
33-тур. 23октябрь (якшанба)
“Шодлик” ўйингоҳи. Соат 15-00.
«Норин» (Хаққулобод) - «Зомин» (Зомин).

Акмал Рахматуллаев тайёрлади.