Превью. "Навбаҳор" - "Қўқон-1912"

«Навбаҳор» (Наманган) – «Қўқон-1912» (Қўқон)
14 май 2016. Наманган. "Марказий" стадиони. 17:30
Ҳакамлар: И. Танташев (Бухоро), М. Саидқосимов (Тошкент), Р. Серазетдинов (Тошкент), Р. Копадзе (Фарғона)
Назоратчи: А. Абдуллаев (Тошкент).

“Навбаҳор” ҳамда “Қўқон-1912” клублари олий лигада шу кунгача 20 бор куч синашишган. “Навбаҳор” 14та ўйинда ғалаба қозонган. 4та учрашувда “Қўқон-1912”нинг қўли баланд келган. 2та ўйинда дуранг қайд этилган. Тўплар нисбатида устунлик “лочинлар” томонида: 43:22. “Навбаҳор” ўзаро ўйинларда 44 очкога эга бўлган, “Қўқон-1912” эса 14 очкони қўлга киритган. “Лочинлар”нинг “Қўқон-1912” устидан қозонган энг йирик ғалабаси 5:1га тенг бўлса, қўқонликларнинг энг йирик ғалабаси – 3:2.

2015 йил дастлабки даврадаги ўйинда Сергей Георгиевнинг урган голи "Навбаҳор"га сафарда ғалаба келтирганди - 0:1. Намангандаги учрашувда Фурқат Ҳасанбоев меҳмонларни ҳисобда олдинга олиб чиққанди. Бироқ Шаҳбоз Эркиновнинг иккита голи “Навбаҳор”га 3 очко олиб берганди – 2:1.

“Навбаҳор” майдонида бўлиб ўтган сўнгги беш учрашув:
21.10.2015 «Навбаҳор» - «Қўқон-1912» 2:1
11.06.2003 «Навбаҳор» - «Қўқон-1912» 5:1
06.04.2002 «Навбаҳор» - «Қўқон-1912» 2:0
26.06.2000 «Навбаҳор» - «Қўқон-1912» 5:4
23.10.1999 «Навбаҳор» - «Қўқон-1912» 2:1

Ўзаро ўйинлар ҳақида факт: “Навбаҳор” ўз майдонида ўтказган 10та ўйиннинг барчасида ғолиб чиққан. "Қўқон-1912" ушбу жамоа майдонидан умуман очко ололмаган.