Превью. "Насаф" - "Навбаҳор"

«Насаф» – «Навбаҳор»
22 август. Қарши. “Марказий” стадиони. 19:30
Ҳакамлар: В.Коваленко, Ҳ.Шодмонов, А.Цапенко, И.Иброҳимов
Назоратчи: Г.Имомов.

Бу икки клубнинг йўллари олий лига ўйинларида 35 бор кесишган. Устунлик “Насаф” томонида. 18та ўйинда қаршиликларнинг қўли баланд келган бўлса, 10та учрашувда “Навбаҳор” ғолиб бўлган. Етти учрашувда ғолиб аниқланмаган. Тўплар нисбати эса “Насаф” фойдасига. “Аждарлар” шу кунга қадар ўзаро ўйинларда 56та гол киритиб ўз дарвозаларидан 55 марта тўп олиб чиқишган. Ўзаро ўинларда “Аждарлар” 61 очкони, “Навбаҳор” эса 37 очкони қўлга киритган.

“Навбаҳор” олий лигада “Насаф” устидан 6:0 ҳисобида ғалаба қозонган. Бу ўзаро ўйинлардаги наманганликларнинг энг йирик ғалабаси ҳисобланади. “Насаф”нинг ўзаро ўйинлардаги бу рақиб устидан эришган энг йирик ғалабаси эса 5:0 бўлиб турибди.

Биринчи даврада “Навбаҳор” ўз уйида зафар қучган. Косонсойдаги баҳсда Алишер Маҳмудов томонидан урилган гол “аждарлар”ни мағлубиятини таъминлаганди – 1:0.

Қаршида ўтган сўнгги беш учрашув:
23.10.2013 «Насаф» - «Навбаҳор» 5:0
20.05.2012 «Насаф» - «Навбаҳор» 1:1
25.08.2011 «Насаф» - «Навбаҳор» 3:2
19.09.2010 «Насаф» - «Навбаҳор» 1:0
18.04.2009 «Насаф» - «Навбаҳор» 1:0

Ўзаро ўйинлар ҳақида факт: “Насаф” ўз уйида 14 марта “Навбаҳор”ни мағлуб этган. Бир бора Қаршида дуранг қайд этилган. “Лочинлар” икки марта (1998 ва 1999 йилларда) “Насаф” майдонидан уч очко билан қайтишганди.