Превью. "Металлург" - "Шўртан"

«Металлург» (Бекобод) – «Шўртан» (Ғузор)
2 апрель 2016. Бекобод. "Металлург" стадиони. 16:00
Ҳакамлар: А. Асимов (Тошкент), Т. Галеев (Тошкент), А. Пўлатов (Тошкент), И. Худойдотов (Тошкент)
Назоратчи: Ф. Абдуллаев (Тошкент).
ЎзПФЛ вакили: В. Леткин.
 
“Металлург” ҳамда “Шўртан” олий лигада жами 20 бора тўқнаш келишган. Шулардан 15тасида бекободликлар ғолиб бўлишган, 2 ўйинда “Шўртан” ғалабани тантана қилган. Ўзаро ўйинларда 3 марта дуранг натижаси қайд этилган. Тўплар нисбати “Металлург” фойдасига 41:18ни ташкил қилмоқда. Ўзаро ўинларда “Металлург” 48 очкони, “Шўртан” эса 9 очкони қўлга киритган.

“Металлург”нинг “Шўртан” устидан қозонган йирик ғалабаси – 4:0. “Шўртан”нинг ўзаро ўйинларда бекободликлар устидан қозонган энг йирик ғалабаси 2:1.

Ўтган мавсум биринчи даврада Ғузорда ўтган ўйинда “Металлург” йирик ғалабага эришганди. Шаҳзодбек Нурматов, Аюбхон Нўъмонов ва Дилмурод Каримовнинг голлари “Шўртан”нинг йирик мағлубиятини таъминлаганди – 3:0. Бекободда эса Шаҳзодбек Нурматовнинг урган голи “Металлург”га уч очко тақдим этганди – 1:0.

Бекободда ўтган сўнгги беш учрашув:
20.11.2015 «Металлург» - «Шўртан» 1:0
02.03.2013 «Металлург» - «Шўртан» 1:0
19.10.2012 «Металлург» - «Шўртан» 4:0
15.10.2011 «Металлург» - «Шўртан» 1:1
29.05.2010 «Металлург» - «Шўртан» 2:1

Ўзаро ўйинлар ҳақида факт: “Металлург” ўз майдонида бу рақибни 9 марта мағлуб этган. Битта баҳсда (2011 йил) ғолиб аниқланмаган. “Шўртан” ўз тарихида Бекободда умуман ғалабага эриша олмаган. Охирги уч ўйинда “Металлург” ўз уйида гол ўтказмаган.