Превью. "Металлург" - "Машъал"

«МЕТАЛЛУРГ» – «МАШЪАЛ»
4 апрель 2015. Бекобод. "Металлург" стадиони. 16:00
Ҳакамлар: Б.Номозов, Р.Серазетдинов, А.Сидоров, Ш.Қаюмов.
Назоратчи: С.Нажафалиев.

“Металлург” ва “Машъал” олий лигада жами 24 бора тўқнаш келишган. Натижалар “Машъал”нинг устунлигини кўрсатмоқда. Муборакликлар 12та ўйинда ғолиб бўлишган. 6та ўйинда дуранг қайд этилган. 6 учрашувда эса “Металлург” зафар қучган. Тўплар нисбатида ҳам “Машъал” олдинда – 45:32. Ўзаро ўйинларда “Машъал” 42 очкони, “Металлург” эса 24 очкони  қўлга киритган.

“Машаъл”нинг ўзаро ўйинларда қозонган энг йирик ғалабаси – 5:1 га тенг. “Металлург”да бу кўрсаткич 4:2 бўлиб турибди.

Ўтган йил 13-турда Муборакда бўлиб ўтган учрашувда мезбонлар зафар қучишган. Зафар Тўраев, Зоҳир Қўзибоев ва Мўйдин Мамазулумовнинг голларига бекободликлар сафида Шаҳзодбек Нурматов жавоб берганди – 3:1. Бекободда эса томошабинлар 6та голнинг гувоҳига айланишган. Шаҳзодбек Нурматов (иккита), Зоҳиб Абдуллаев ва Суннатилла Мамадалиев биттадан гол уришган. Муборак клуби сафида Аббос Шодмонов ва Жамшид Ҳасанов ўз ҳисобларига гол ёзиб қўйишган – 4:2.

Бекободда бўлиб ўтган сўнгги беш учрашув:
07.11.2014 «Металлург» - «Машъал» 4:2
17.11.2012 «Металлург» - «Машъал» 2:1
20.06.2011 «Металлург» - «Машъал» 3:1
18.09.2010 «Металлург» - «Машъал» 1:0
07.08.2009 «Металлург» - «Машъал» 1:1

Ўзаро ўйинлар ҳақида факт: Бу жамоалар Бекободда 12та ўйин ўтказишган. Шу ўйинлардан 4тасида «Машъал», 5тасида «Металлург» ғолиб бўлган. 3та учрашувда дуранг ҳисоби қайд этилган. Муборак клуби Бекободдаги охирги 6та ўйинда умуман ғалаба қозона олмаган.