Превью. "Гулистон" - "Нефтчи"

«ГУЛИСТОН» – «НЕФТЧИ»
21 сентябрь. Гулистон. “Гулистон” стадиони. 16:30
Ҳакамлар: Р. Эрматов (Тошкент), А. Расулов (Тошкент), Ж. Саидов (Тошкент), И. Гармашов (Тошкент)
Назоратчи: Ғ. Каримов (Тошкент).

“Нефтчи” 8та ўйинда ғалаба қозонган. 1та учрашувда дуранг қайд этилган. “Гулистон” фарғоналикларни умуман мағлуб эта олмаган. Тўплар нисбатида устунлик табиийки “Нефтчи” томонида: 28:4. “Нефтчи” ўзаро ўйинларда 25 очкога эга бўлган, “Гулистон” эса атига 1 очкони қўлга киритган. “Нефтчи”нинг “Гулистон” устидан қозонган энг йирик ғалабаси 6:1га тенг. “Гулистон” ҳисобида ғалаба йўқлигини ёздик.

Биринчи даврада Фарғонада “Гулистон”ни йирик ҳисобда таслим қилганди. Дилёрбек Эрматов, Иқбол Акрамов биттадан гол уришган бўлса Анвар Бердиев дублга эришганди. Меҳмонлар сафида битта жавоб тўпини Носир Отақўзиев киритганди. Иккинчи даврада Отақўзиев “Нефтчи” сафида ўйнаётганидан хабарингиз бор.

Гулистонда бўлиб ўтган сўнгги тўрт учрашув:
02.11.2003 «Гулистон» - «Нефтчи» 0:3
06.08.2000 «Гулистон» - «Нефтчи» 0:2
13.11.1994 «Гулистон» - «Нефтчи» 0:2
23.10.1993 «Гулистон» - «Нефтчи» 1:1

Ўзаро ўйинлар ҳақида факт: “Гулистон”ягона дурангни ўз майдонидаги баҳсда қўлга киритган (1993 йил). Охирги учта ўйинда “Нефтчи” сафарда бу рақибни мағлуб этиб келмоқда, бундан ташқари “Гулистон” бу ўйинларда гол ура олмаган.