Превью. "Динамо" - "Навбаҳор"

«Динамо» (Самарқанд) – «Навбаҳор» (Наманган)
12 сентябрь 2015. Самарқанд. "Динамо" стадиони. 17:00
Ҳакамлар: В. Коваленко (Тошкент), Р. Самандаров (Навоий), О. Жумаев (Навоий), Б. Юльчараев (Гулистон)
Назоратчи: Ш. Жумаев (Қарши).

“Динамо” ва “Навбаҳор” олий лигада 43 бора тўқнаш келишган. Натижалар водий клуби устунлигини кўрсатмоқда. “Лочинлар” 23та ўйинда ғолиб бўлишган, 8та ўйин дуранг ҳисобида якунланган. “Динамо” эса ушбу рақибни ҳозирга қадар 12 марта мағлуб этган. Тўплар нисбатида ҳам устунлик “Навбаҳор” томонида - 79:39. Ўзаро ўйинларда “Навбаҳор” 77, “Динамо” эса 44 очкони қўлга киритган.

“Навбаҳор”нинг ўзаро ўйинларда қозонган энг йирик ғалабаси – 7:1га тенг. “Динамо”да бу кўрсаткич анча кичик – 2:0.

Дастлабки даврада “Навбаҳор” зафар қучган. Шаҳбоз Эркинов ва Улуғбек Бақоевнинг голларига меҳмонлар сафида Максимилиан Фомин жавоб берган эди – 2:1.

Самарқандда бўлиб ўтган сўнгги беш учрашув:
21.06.2014 «Динамо» - «Навбаҳор» 2:0
31.05.2013 «Динамо» - «Навбаҳор» 1:1
14.09.2012 «Динамо» - «Навбаҳор» 2:0
02.04.2011 «Динамо» - «Навбаҳор» 0:1
22.05.2010 «Динамо» - «Навбаҳор» 1:0

Ўзаро ўйинлар ҳақида факт: “Навбаҳор” Самарқандда 7 марта ғалаба қозонган. 12та учрашувда “Динамо” муваффақиятга эришган. Қолган икки баҳсда томонлар муроса кўчасини танлашган. “Лочинлар” охирги уч йилда Самарқандда ғалаба қозона олишмаган.