Latest news

17:30Суперлига қуръаси олдидан. Мутахассис фикри: "Футболи ривожланган мамлакатлар қуръа ташлашда бошқа тизимлардан ҳам фойдаланмоқда"   0 17:21Дилшод Комиловнинг кейинги клуби номи маълум  1 17:12МЮ "Арсенал" ҳимоячисини ўз сафига қўшиб олди  0 16:10Суперлига. Биринчи турда энг кўп тўқнаш келган икки жуфтлик, ҳар иккисида "Сўғдиёна" иштирок этган   5 15:54Рэшфорд АПЛ клубига ўтяпти  5 15:29Назорат ўйини. "Навбаҳор" Хорватия клубига мағлуб бўлди  13 15:00"Ал Насср" Криштиану Роналдунинг атрофида топ футболчилар бўлишини истамоқда   10 14:51Норчаев Португалияга учиб кета олмади. Унинг "Брага"га трансфери амалга ошмайди  22 14:40Рональд Араухони ёзда 930 млн. евро арзонга сотиб олиш мумкин  2 14:18"Тоттенхэм" 60 млн. фунтга МЮ футболчисини сотиб олиши мумкин  1 13:09"Милан" устози билан уришиб қолган ҳимоячи жамоани тарк этади  6 12:48"Насаф" Комилов билан хайрлашди  8 12:41Фарғона ҳокими Қиргулидаги "Нефтчи" қароргоҳида бўлди  3 12:03Трансфер тақиқи жорий этилгунга қадар рўйхатдан ўтказилган "Нефтчи" футболчилари жамоада ўйнай оладими? Алишер Никимбаев вазиятга ойдинлик киритди  15 11:17Фарғона вилояти ҳокими «Қўқон 1912» футбол клуби марказий ўйингоҳида олиб борилаётган бунёдкорлик ишлари билан танишди  4

Поль Погба: «Мағлуб бўлишни ёқтирмайман» News

Поль Погба: «Мағлуб бўлишни ёқтирмайман»

Яқинда «Манчестер Юнайтед»га қайтган Поль Погба Sky Sportsга интервью берди. Эътиборли томони, у билан «Арсенал» ва Франция терма жамоасининг собиқ ҳужумчиси Тьерри Анри гаплашди.

Суҳбат чоғида Погба «Манчестер Юнайтед»га қайтиши, сэр Алекс Фергюсон ва Жозе Моуриньолар ҳақида гапириб ўтди.

- Кел, бошидан бошлаймиз. Сен «МЮ»дан ёш футболчи сифатида кетгандинг. Энди эса футбол тарихидаги энг қиммат ўйинчи сифатида қайтдинг. Нима учун «Юнайтед»га қайтишга қарор қилдинг?


- Тўғрисини айтсам, ҳамиша «МЮ»ни яхши кўрганман. Кетишимнинг сабаби, ўйнашни истаганман. Бутун жаҳонга ва «Юнайтед»га бунинг учун тайёрлигимни исботламоқчи бўлганман. Италияга йўл олдим ва у ерда тўрт йил ўйнадим. Қайтишимдан шу нарсани англаш мумкинки, гарчи «МЮ»дан кетган бўлсамда, бу жамоа ҳамиша қалбимда бўлган. Манчестерда якунланмаган ишларим бор, уларни охирига етказиб қўйишим шарт эди. Энди жамоага ёрдам бериш учун, ғалаба қозониш учун қайтдим. Клубимизнинг яна юқори чўққиларга қайтишини истайман.

- Европа чемпионатида асосий эътибори мудофаа чизиғига қаратилган ярим ҳимоячи ролини бажардинг ва ўз ишингни ажойиб тарз­да уддаладинг. Умуман олганда, сенга қайси позицияда ўйнаш маъқулроқ?


- Чап қанот ярим ҳимоясида. Агар уч киши бўлсак, ўнгда ҳам ўйнашим, ҳимояга ёрдам беришим мумкин. Бироқ чап қанотда ўзимни енгил ҳис қиламан.

- Сени ким руҳлантирган? Ишончим комил, биринчи ўринда оилангни айтасан. Аммо мен спортчиларни назарда тутяпман. Масалан, мени Марко ван Бастен руҳлантирган...


- Бундай футболчилар кўп. Масалан, Роналдиньо, бразилиялик Роналдо, Кака, Зидан, Иньеста, Яя Туре, Виейра. Уларнинг энг яхши жиҳатларини ўзлаштириб, уни Погбада мужассамлаштиришни истайман.

- «МЮ» учун мавсум муваффақиятли ўтди, дейиш учун нима содир бўлиши керак?


- Энг аввало, чемпионлик. Шунинг­дек, кубоклар ва Европа Лигасида зафар қучиш ҳам. Англия премьер-лигаси бош совринини қўлга киритсак, биринчи навбатда, Чемпионлар Лигасига қайтиш имконига эга бўламиз.

- Мен ҳақиқий Погба қандайлигини билмоқчиман.


- Ҳақиқий Погба сиз кўриб турган Погбадир. Майдонда ундай, ташқарисида бундай бўлолмайман. Чунки актёр эмасман. Майдонда жамоадошларим билан ҳазиллашишни яхши кўраман. Унинг ташқарисида ҳам шундайман. Футбол ўйнаяпман, асосийси, яхши кўрган ишим билан шуғулланяпман. Шунчаки, ҳаётни севаман. Футболчи бўлганимиз - бахтимиз. Чунки биз барчанинг эътиборини ўзимизга қаратамиз. Айниқса, минглаб инсонлар номингни айтиб олқишлашса, ундан яхшиси йўқ. Шунингдек, сизни ҳам кузатиб юрардим. Ҳозир ҳам. Ишонмаслигингиз мумкин, лекин уйимда сизнинг суратингиз акс этган постер бор. Ҳозир ёнимда туриб мендан интервью олаётганингизга ишониш қийин.

- Евро финалидаги мағлубиятдан сўнг ҳиссиётлар қандай бўлди?


- Энг аввало, мағлуб бўлишни ёмон кўраман. Айниқса, Францияда туриб, чемпионатни ёмон бошлаган Португалияга имкониятни бой бериш... Лекин бу - футбол. Барчамиз мағлубиятга ишона олмадик. Менимча, энг катта хатоимиз - ғалабага қаттиқ ишонгандик.

- «Олтин тўп»ни ютиш режангда борми?


- Албатта. Ҳамиша бу ҳақда орзу қилганман.

- «МЮ»дан буюк футболчи бўлиб қайтиш учун кетганингни айт­динг. «Ювентус» ҳақида қандай фикрдасан?


- Балки кимларгадир бу ёқмас. Лекин «Юве»га ўз миннатдорчилигимни билдирмоқчиман. Улар менга ишонишди ва шу даражага чиқишимга ёрдам бердилар. Тактика борасида кўп нарсаларни ўргандим. Айнан «Ювентус» орқали Франция терма жамоасига чақирилдим. «Кекса синьора» ҳамиша қалбимда қолади.

- Ҳозир «МЮ»да янги мураббий фаолият юритмоқда. Жозе Моуриньо билан ишлар қандай кетяпти?


- Ажойиб.

- Сенинг қарорингда Моуриньо­нинг ўрни бўлдими?

 


Интервьюнинг тўлиғини "ИнтерФутбол" газетаси сайтида ўқиш мумкин.

Rating: +1   

Comments

championat.asia
< show latest news
Яндекс.Метрика