Пике футболчилик фаолиятидаги охирги ўйинини қизил карточка билан якунлади. Қизиғи, у майдонга тушмади

Ўйиннинг 31-дақиқасида Роберт Левандовски рақибга қўполлик ишлатгани учун қизил карточка олди. Жамоалар танаффус вақтида трибуна остидаги йўлакка йўл олганида ўйинда қайдномадан жой олган ва захирада бўлган Жерар Пике бош ҳакам Хесус Хил Мансанога эътироз билдирган. Пике реферига юзланиб, унга: “Сен кимни четлатганингни биласанми?”, деган.

Шундан сўнг, Мансано ўша ернинг ўзида Пикега қизил карточка кўрсатган. 35 ёшли испаниялик ўтган ўйинда “Камп Ноу”да хайрлашув учрашувида қатнашганди. Профессионал фаолиятидаги охирги ўйинида майдонга тушиш эса унга насиб этмади.