"Пахтакор" - "Насаф". Тошкентда дарвозаларга 7та гол урилган учрашувни ёдга оламиз

"Пахтакор" - "Насаф" жамоалари ўртасидаги ҳар бир учрашув ҳеч қачон оддий даражада кечмаган. Муҳимлилик даражаси доим юқориб бўлиб келган. Тошкентда эса "Насаф"га ҳеч қачон осон бўлмаганини айтиш мумкин. Қарши клуби шу кунгача пойтахтда фақат 2 маротаба ғалаба қозонгани мисолдир. Жамоаларнинг пойтахтдаги илк тўқнашуви 1997 йилги мавсумда рўй берган бўлиб, ўшанда дарвозаларга 7та гол урилганди. 

"Пахтакор" - "Насаф" 4:3

05.10.1997. 28-тур. Тошкент. "Пахтакор" стадиони, 6 000 томошабин

Ҳакам: Алексей Пивоваров

Голлар: Афзал Азизов, Дилмурод Назаров, Дилмурод Назаров, Ёрқин Назаров - Рўзиқул Бердиев, Александр Борисов, Зафар Холмуродов

"Пахтакор": Алексей Рошин, Мурод Алиев (Станислав Моргулис,77), Андрей Микляев, Владимир Бунтов (Афзал Азизов, 22), Собир Ходиев, Андрей Стрелцов, Андрей Акопянц, Ёрқин Назаров, Мурод Отажонов, Самад Нарзиқулов (Нўъмон Нурматов,57), Дилмурод Назаров

"Насаф": Олег Қаҳҳоров, Вадим Гришин (Шуҳрат Асатов,78), Шуҳрат Тошпўлатов, Нурали Султонов, Бахтиёр Холиқов, Рўзиқул Бердиев, Шавкат Саидов, Рустам Орипов, Асрор Алиқулов, Александр Борисов (Зафар Холмуродов,80), Бахтиёр Давлатов

1997 йилги мавсум "Насаф" учун Суперлигадаги (Олий Лига) илк дебют мавсум бўлган. Ўша йили 18та жамоа иштирок этган чемпионат баҳсларида "Насаф" 6 ўринни, "Пахтакор" 5 ўринни эгаллаган эди. Чемпионлик МҲСК, кумуш медаллари "Нефтчи"га, бронза "Навбаҳор"га насиб қилган.