Павел Соломин: “Бизга ҳар бир очко сув ва ҳаводек зарур”

Ушбу учрашувдан сўнг “Обод” клуби футболчиси Павел Соломин ўз фикрнларини билдирди.

“Локомотив”га қарши яхши қаршилик кўрсатдик деб ўйлайман. Рақибларимиз бизга қараганда гол уриш учун кўп вазиятлар яратишди. Лекин улардан унумли фойдалана олишолмади. “Локомотив” чемпионатимизда шунчаки биринчи поғонада бормаяпти. Жуда ҳам оғир ўйин ўтказдик. Учрашувнинг сўнгги дақиқаларида жамоадошларим бироз толиқиб қолди ва бизга бироз омад келди. Бизга ҳар бир очко сув ва ҳаводек зарур. Шунинг учун ҳам ҳар бир учрашувда ғалаба қозонишга ҳаракат қиламиз”, - дейди “Обод” клуби футболчиси Павел Соломин

Жаҳонгир Сотволдиев