Паулу Бенту иккита ўйинда ёшларни синаб кўради
19 mar 2019 18:02
News

Паулу Бенту иккита ўйинда ёшларни синаб кўради

Жанубий Корея миллий терма жамоаси шу ойдаги ФИФА кунларидан фойдаланиб иккита ўртоқлик учрашуви ўтказади.

Боливия ва Колумбия билан кечадиган ўйинлар Жанубий Корея учун Осиё Кубоги мусобақасидан сўнг дастлабки ўртоқлик учрашувлари бўлади. Мазкур икки учрашув учун жамоа бош мураббийи Паулу Бенту 27 нафар футболчини жалб қилди.

Таклиф этилган футболчилар орасида Ки Сунг Ёнг ҳамда Ку Жа Чол каби юлдузлар йўқ, чунки улар Осиё Кубогидан сўнг терма жамоа билан хайрлашишди. Португалиялик мураббий бундан кейин эътиборни ёшларга қаратишни лозим топди.

"Футболчининг қобилияти унинг ёшидан муҳим, - дейди мураббий. - Барибир қачондир футболчилар терма жамоадаги фаолиятни якунлайди ва ўрнини ёшларга бўшатиб беради. Ҳозир биз билан ҳам шу жараён давом этмоқда. Ўйлайманки, ёшлар тез орада ўзларини кўрсата олишади".

Link :

Source : the-afc.com

Receive latest football news directly on your phone. Subscribe for our Telegram channel!

Rating: -3