Latest news

16:19"Футбол олами". Бутсанинг таги билан бутсага тепишга қизил карточка берилмайди. Оёқни синдириш учун сал юқорига тепиш лозим...  0 16:03Расман: "Бавария" Компани билан ҳамкорлик қилишда давом этади  0 15:34"Андижон" "Ал Ҳалдия"га қарши қандай рангдаги либосларда ўйнаши маълум  2 15:13"Олтин тўп" соҳиби жароҳатидан фориғ бўлди  0 14:45Стадионни ларзага солган ўша Алибобо Раҳматуллаев ҳозир қаерда?  1 14:22Артета "Арсенал" АПЛда фаворит сифатида кўрилишини истамайди  3 13:54"Ноттингем Форест" янги бош мураббийи номини эълон қилди  1 13:30Лотар Маттеус: "Дунёда Ҳарри Кейндан яхшироқ ҳужумчини кўрмаяпман"  2 13:03МТЖ собиқ дарвозабони, меҳмонда зафар қучган мураббий, дублга эришган ҳужумчи — Суперлигада 25-турнинг энг яхшилари  5 12:30Цигер, Баҳромов, Ашортиа, Абдураҳмонов, Исмоналиев... Суперлига 25-тур рамзий терма жамоаси  1 11:59ПФЛ 17 клуб раҳбарияти иштирокида учрашув ўтказди  5 11:42"Насаф"да нима гаплар?  15 10:42Слот: "Тўртта кетма-кет мағлубият - бу яна бир синов"  3 10:16Дунёнинг энг қиммат таркибга эга жамоалар рўйхати эълон қилинди  16 09:39Гвардиола: "У - мен кўрган энг иқтидорли футболчилардан бири"  3

Парижда нотинч қиш: ПСЖнинг пастлаши сабаблари (мутолаа учун) News

Парижда нотинч қиш: ПСЖнинг пастлаши сабаблари (мутолаа учун)

Париж клуби муаммоларини таҳлил қиламиз.

Жаҳон чемпионатидаги танаффус олдидан ПСЖ ва "Наполи" миллий чемпионатлардаги мағлубиятсиз ягона жамоалар эди. ЖЧ-2022дан сўнг неаполликлар ғалаба қозонишда давом этишмоқда, парижликлар эса йўқ. Пойтахт клубидаги оғир вазият сўнгги ҳафталарда кўринмоқда.



Аввалига Кристоф Гальтье шогирдлари "Марсель"га 1:2 ҳисобида ютқазган ҳолда Франция чемпионатининг 1/8 босқичидан чиқиб кетишди. ПСЖ шундан сўнг миллий чемпионатда (1:3) "Монако"дан 3та тўп ўтказди. Парижликлар 3 кундан сўнг ўз уйларида Чемпионлар лигаси 1/8 финалида "Бавария"дан минимал ҳисобда мағлуб бўлди ва ўзининг чорак финалга чиқишини қийинлаштирди.

Ҳа, Франция чемпионатида "Лилль"га қарши ўйиннинг сўнггидагина ғалабага эришилди. Кетма-кет уч мағлубиятдан сўнг инқироз ҳақида гапиришга ҳали эртароқ, аммо шу билан бирга ПСЖда пасайиш бўлаётгани аниқ. Бу натижа жиҳатдан ҳам, ўйин жиҳатдан ҳам сезилиб турибди. Бунга бир қанча сабаблар бор.


Мбаппе ва Мессининг жароҳатлари

Килиан Мбаппе ва Лионель Месси мавсум давомида унчалик ҳам кўп ўйинларни ўтказиб юборишмаяпти, аммо уларсиз ПСЖда жиддий муаммолар бўлмоқда. Парижликлар октябрдаёқ аргентиналиксиз Лига 1 турнир жадвалининг қуйида бўлган "Реймс"га гол ура олмаганди. Франция чемпионлари 2023 йилнинг илк ўйинида "Ланс"га 1:3 ҳисобида ютқазганди. Аргентиналик бу вақт давомида жаҳон чемпионатидан сўнг дам олганди. "Монако"га қарши яқиндаги ўйинда ПСЖ 1та урган ва 3та ўтказиб юборган баҳсда ҳам Лео йўқ эди.



Парижликларда Мбаппесиз ҳам вазият ёмон. Килиан январнинг ўрталарида "Ренн"га қарши фақатгина 35 дақиқа ўйнади. Француз гол уришга улгурмади, унинг жамоаси эса минимал ҳисобда мағлуб бўлди. ЧЛ доирасидаги "Бавария"га қарши ўйинда ҳам шундай ҳолат, ўшанда форвард жароҳатидан сўнг 33 дақиқа ўйнаганди. ПСЖ ҳужумчисиз бунга қадар Лига 1 доирасидаги "Монако" ва Франция кубогида "Марсель"га ютқазганди. Парижликлар шу билан бирга Мбаппе ва Месси дастлабки дақиқалардан майдонга чиққан ўйинларнинг бирортасида мағлуб бўлишмади.


Амалга ошмаган трансферлар

Гальтье бекорга декабрда трансфер бозорида ишлар олиб бориш кераклигини айтмаганди. ПСЖ биринчи навбатда сифатли ҳимоячи билан шартнома имзолашни хоҳлаганди. Парижликларда уч нафар марказий ҳимоячи бор: Маркиньос, Преснел Кимпембе ва Серхио Рамос. Бу кам. Тўлақонли ротация учун камида яна битта ўйинчи бўлиши керак. Франция чемпионатлари "Интер" ҳимоячиси Милан Шкриньярни олишни жуда ҳам хоҳлашганди, аммо ушбу трансферни амалга ошира олишмади. "Нерадзурри" футболчини қўйиб юбормади, сабаби унга муносиб ўринбосар топа олмади.



ПСЖ шунингдек "Челси" вингери Хаким Зиеш билан шартнома имзолашда муваффақиятсизликка учради. Марокашлик ўша вақт Лондон клубида кам ўйин амалиёти олаётганди. Унинг Неймар ва/ёки Мессига босимни камайштириши тахмин қилинганди, аммо бу режани амалга оширишнинг уддасидан чиқилмади. Парижликлар трансфер барбод бўлишида "Челси"ни айблашди. Миш-мишларга кўра, лондонликлар шу қадар Энцо Фернандес билан шартнома имзолаш устида банд эдиларки, бир неча бор Зиешнинг ўтиши учун Францияга нотўғри расмийлаштирилган ҳужжатларни юборишган. Якунда, битим амалга ошмади.


Спорт директори ва мураббийидан норозилик

Францияда ПСЖ ўйинчиларининг спорт директори Луиш Кампушнинг ишидан норозиликлари ҳақида ёзишди. Улар бошқарувчи таркибни ўтган мавсумдагидан заифлаштирди деб ҳисоблашмоқда. Жамоадаги асосий муаммолардан ярим ҳимоя деб ҳисобланмоқда. Кампуш Парижга Ренату Саншеш, Фабиан Руис, Витинью ва Карлос Солерни олиб келди, аммо Марко Верратти ўрта чизиқдаги ягона топ ўйинчи бўлиб қолмоқда. Гальтьега келсак, миш-мишларга кўра, футболчиларга мутахассиснинг таклиф этган ғоялари ёқмаяпти. Барча ҳам мураббий Мбаппени бошқа ўйинчилардан юқори қўяётганидан мамнун эмас. Бир йўл бир нечта манбаларнинг хабарига кўра, жамоадаги атмосфера идеалликдан йироқ.



Энг яхши ўйинчиларнинг келажаги номаълумлиги

Месси, Неймар ва Мбаппе иштирокидаги катта ҳужум триоси бўлиниб кетиш эҳтимоли бор. Леонинг ПСЖ билан шартномаси мавсум сўнггига қадар мўлжалланган. Томонлар келишувни узайтириш борасида келиша олишмаяпти. Аргентиналик эркин агент бўлганда ҳамма нарса рўй бериши мумкин. Мессининг Париж клубидаги келажаги жамоанинг Чемпионлар лигасидаги иштирокига боғлиқлиги айтилмоқда. ПСЖнинг ЧЛдан 1/8 финалдаёқ чиқиб кетиши мумкинлигини ҳисобга олса, Мессини олиб қолиш имкониятлари жуда юқори эмас.



Неймарнинг ҳам келажаги номаълум. Бразилияликнинг парижликлар билан шартномаси 2025 йилнинг июнига қадар мўлжалланган. Аммо, ОАВ маълумотига кўра, клуб ўйинчи билан жорий мавсум сўнггида хайрлашиши мумкин. Миш-мишларга кўра, ПСЖ футболчининг ишга енгил қараётганидан норози. Бу янгиликлар фонида автоматик равишда Мбаппенинг келажаги ҳақидаги савол ҳам кўтарилади. Агар шундай футболчилар кетса, француз жамоада қолишни хоҳлайдими?

Бундан ташқари, Рамоснинг шартномаси якунланмоқда, Кимпембе эса клубдан кетмоқчига ўхшайди. Марказий ҳимоячи позицияси тўлиқ йиғилмаганини ҳисобга олса, бу парижликларга муаммо қўшади. Умумий олганда, ПСЖда қийин вазият юзага келмоқда. Натижалар ҳам жамоадаги ҳолат каби ёмонлашмоқда, ноаниқликлар эса кўпаймоқда. Парижликларда олдинда кўп ишлар бор – мураббийлар штабида ҳам, клуб раҳбариятида ҳам. ПСЖдаги спорт лойиҳасининг муваффақияти ҳам яна шубҳа остида қолмоқда.


Footballhd.ru сайтидан Алишер Остонов таржимаси

Rating: +2   

Comments

championat.asia
< show latest news
Яндекс.Метрика