Паирав Воҳидов: "Камроқ хато қилиб, имкониятлардан кўпроқ фойдаланган жамоа ғалаба қозонади"
20 sep 2024 16:40
News

Паирав Воҳидов: "Камроқ хато қилиб, имкониятлардан кўпроқ фойдаланган жамоа ғалаба қозонади"

Футзал бўйича жаҳон чемпионати "E" гуруҳи 2-туридан ўрин олган Португалия – Тожикистон (3:2) учрашувидан сўнг тожикистонликлар бош мураббийи Паирав Воҳидов микст-зонада сайтимизга интервью берди.

"Ўйин яхши ва рақобатбардош руҳда ўтди. Шогирдларим яхши ўйин намойиш этишди, ҳатто ҳисобни тенглаштиришга яқин келишди. Ким камроқ хато қилиб, имкониятлардан кўпроқ фойдаланса, ўша жамоа ғалаба қозонади, бугун шундай ҳодиса рўй берди.

Олдинда яна бир ўйинимиз бор. Ҳеч бўлмаганда, мундиалдаги иштирокимизни ғалаба билан якунлаш учун 3 очко қўлга киритишга ҳаракат қиламиз.

Бизда индивидуал ҳамда жамоавий хатолар содир бўлди. Балки бу ҳаяжон таъсиридандир. Португалиянинг савияси кўп нарсани айтиб турибди.

Энди 3-турдаги рақиб — Панаманинг Марокаш ва Португалияга қарши ўйинларини таҳлил қилишга ҳаракат қиламиз. Уларнинг заиф томонларини аниқлаб, ғалаба қозонамиз деган умиддаман", деди мутахассис.

Оқил Абдубарноев суҳбатлашди.

Link :

Source : championat.asia

Receive latest football news directly on your phone. Subscribe for our Telegram channel!

Rating: