«Ўзимизга муаммо яратиб, қаҳрамонларча ғалаба қозондик». Вадим Абрамов Олмалиқдаги ғалаба ва қизил карточка вазияти ҳақида

- Табрик учун раҳмат! Ғалати вазият, ўз-ўзимизга муаммолар яратяпмиз. Биринчи бўлимда ёмон ўйнамадик ва ҳисобда устунлик билан чиқдик. Иккинчи бўлимда фақат тўғри ўйнашимиз кифоя эди. Бироқ биз ўзимизга муаммо яратдик ва вазиятни қийинлаштирдик. Якунда қаҳрамонларга ўхшаб, ғалабани курашиб сақлаб қолдик. Шунга қарамай, йигитларга охиригача курашгани учун раҳмат дейман. 

- Биринчи даврадаги ўйинда ҳам четлатиш кузатилган ва «Динамо» камбэк қилиб, ғалабани илиб кетганди...

- Ҳа, ўша ўйинга ўхшаб кетди. Бугун қандай жамоага қарши тўп сураётганимизни билардик ва қийин ғалабага эришдик.

- Равшан Ягудиннинг оддий вазиятда қизил карточка олиб майдонни тарк этиши тушунарсиз ва футболда уникал ҳодиса бўлди...

- Билмадим, ҳакамдан сўраганимда у «дарвозабон тўпни дарҳол тепиб юборганида сариқ карточка бўларди, аммо у ҳужумчи келишини кутди ва кейин тўпни тепиб юборди», деди. 

Эҳтимол, у тўпни дарҳол тепиб юборганида ҳеч ким бу вазиятга эътибор қаратмасди, балки. Очиғи, вазиятни бир кўришда унча тушунмадим, бу мен учун тушунарсиз бўлди. Янги қоидалар кўпайиб кетгандек... Яхшиямки, ўша вазиятда пеналти белгиланмади. Вазият қандай талқин қилинаётгани тушунарли эмас, - дейди Вадим Карленович.