Ўзил "Арсенал"дан кетмоқчи эмас

Футболчи ва клуб ўртасидаги келишув 2020/21 йилги мавсум якунига қадар мўлжалланган.

"Арсенал" билан шартномам якунлангунча ушбу клуб учун жонимни беришга тайёрман. Таркибга қайтиб, асосий жамоа учун кураша олишимни бир неча бора кўрсатдим деб ўйлайман. Кетиш борасидаги қарорни ўзим қабул қиламан. Барчамиз шартномани ҳурмат қилишимиз керак. Тўғри, ҳозирда ҳолат унчалик яхши эмас, лекин "Арсенал"ни яхши кўраман. Бу ер менинг уйим, кетишни истамайман, бир умр қолишга тайёрман. "Арсенал" оғир дамларни ўтказаётган пайтда жамоага ёрдам беришга тайёрман", - деди Ўзил.

Месут 2013 йилдан буён "Арсенал" таркибида ўйнамоқда. У жамоа таркибида 254 ўйинда қатнашиб, 44 гол ва 77 ассист қайд этган.