Асли келиб чиқиши ўзбекистонлик тадбиркор Роналдуга самолёт нархига тенг соат совға қилди

Jacob компанияси эгаси компанияси асосчиси ва эгаси ўзбекистонлик Жейкоб Арабо (асл исм-фамилияси Ёқуб Арабов) "Ал Насср" клуби ва Португалия терма жамоаси ҳужумчиси Криштиану Роналдуга қиймати 1,3 миллион долларга тенг соат совға қилди. 

Twin Turbo Furious модели махсус буюртма асосида тайёрланади. Дунёда бундай соатлардан атиги 18 дона мавжуд. 

"Криштиану менга яқин инсон бўлгани учун 1,3 миллион долларлик ноёб соатни шахсан етказишга қарор қилдим", деб ёзган Арабо ижтимоий тармоқдаги саҳифасида.

Эслатиб ўтамиз, тадбиркор аввалроқ Роналдуга 117 000 долларлик соат ҳам туҳфа қилганди (https://championat.asia/uz/news/346035).