Ўзбекистон ЖЧда 1/8 финалда умуман ютқазмаган
27 oct 2013 09:29
News

Ўзбекистон ЖЧда 1/8 финалда умуман ютқазмаган

Хабарингиз бор, эртага (28 октябрь) Дилшод Нуралиев бошчилигидаги Ўзбекистон ўсмирлар терма жамоаси ЖЧ-2013 1/8 финалида Гондурас билан беллашади.

Ўзбекистоннинг турли ёшдаги жамоалари бунга қадар тўрт бор мундиалларда иштирок этишган.

2003 йил ёшлар терма жамоамиз 0 очко билан гуруҳдан чиқа олмаган. 2009 йил ёшларимиз 1 очко қўлга киритишган ва бу сафар ҳам гуруҳдан чиқиш вазифаси уддаланмаган.

2011 йил Мексикада ўсмирларимиз гуруҳдан чиқиб 1/8 финалда Австралия билан тўқнаш келишган. Ўша ўйинда Алексей Евстафеев шогирдлари йирик 4:0 ҳисобида зафар қучишган.

Шу йил ёзда Туркияда бўлиб ўтган ёшлар ўртасидаги мундиалда Аҳмаджон Мусаев шогирдлари 1/8 финалда Грецияни 3:1 ҳисобида таслим қилишган.

Кўриб турганингиздек Ўзбекистон Жаҳон чемпионатларининг 1/8 финалида икки бор ўйнаб икки марта ғалаба қозонган.

Гондурасга қарши ўйинда ҳам бу анъана давом этишини кутиб қоламиз.

Link :

Source : championat.asia

Receive latest football news directly on your phone. Subscribe for our Telegram channel!

Rating: