Ўзбекистон ёшлар терма жамоаси Саудия Арабистонига биринчи ўйинда мағлуб бўлди
29 apr 2016 10:57
News
![](https://championat.asia/upload/storage/206436_original.jpg)
![](/upload/storage/206436_220.jpg)
Ўзбекистон ёшлар терма жамоаси Саудия Арабистонига биринчи ўйинда мағлуб бўлди
28 апрель куни бўлиб ўтган учрашувда Саудия Арабистони ёшлар терма жамоаси 3:2 ҳисобида ғалаба қозонди.
Ўйиннинг тўртинчи дақиқасидаёқ 11 метрли жарима тўпини амалга ошириш имнкониятига эга бўлган саудияликлар ҳисобни очди. Орадан 20 дақиқа ўтиб, ҳисобдаги фарқ иккитага етди. Ўзбекистон ёшлар терма жамоаси ҳисобни иккинчи бўлимнинг 59-дақиқасида Шароф Муҳитдинов киритган гол эвазига қисқартиришга эришди.
Учрашувнинг 72-дақиқасида Саудия Арабистони ёшлари яна бир пор пенальти тепиш имконига эга бўлди ва уни аниқ амалга оширди. Бобир Абдухолиқов эса 79-дақиқада учрашувдаги сўнгги голни киритди – 3:2.
Жамоалар ўртасидаги иккинчи ўртоқлик ўйини 30 апрель куни бўлиб ўтади.
Ўртоқлик учрашуви
28.04.2016, Ал-Хорба
Саудия Арабистони U19 – Ўзбекистон U19 - 3:2
Ўзбекистон голлари: Шароф Муҳитддинов (59), Бобир Абдухолиқов (79)
Ўзбекистон U-19: Умид Ҳамроев, Ҳусниддин Ғофуров, Ислом Қобилов, Хожиакбар Алижонов, Азиз Ғаниев, Илҳом Алижонов, Нурилло Тўхтасинов, Шароф Муҳитдинов, Сухроб Нуриллоев, Санжар Қодирқулов, Бобир Абдухолиқов
Захира: Умид Эргашев, Жасур Яхшибоев, Беҳзод Ғанижонов, Ислом Кенжабоев, Абдуқодир Ортиқов, Турсун Раҳимбердиев, Билол Тошмирзаев, Миржаҳон Мирҳамдамов, Ойбек Рустамов, Усмонали Усмоналиев.
Similar news
![AMP Logo](https://championat.asia/image/logo-amp.png)
Comments