Ўзбекистон U-19 терма жамоаси эртадан Тошкентда йиғин бошлайди
07 sep 2019 21:54
News

Ўзбекистон U-19 терма жамоаси эртадан Тошкентда йиғин бошлайди

Tags : Ўзбекистон U-19 Отабек Ғуломхўжаев

Биласиз, жорий йилнинг ноябрь ойида U-19 Осиё Чемпионати-2020 саралаш баҳслари ўтказилади.

Айни пайтда Ўзбекистон ёшлар терма жамоаси Саудия Арабистони мезбонлик қиладиган саралаш баҳсларига тайёргарлик жараёнини давом эттирмоқда.

Отабек Ғуломхўжаев бошчилигидаги Ўзбекистон ёшлар терма жамоаси тайёргарлик доирасида бир қатор мусобақа ва ўртоқлик ўйинларида майдонга тушмоқда.

Эртадан терма жамоамиз Тошкентда йиғин бошлайди ва 13 сентябрга қадар пойтахтимизда машғулотлар олиб боради. Сўнгра терма жамоа Иорданияга йўл олади ва у ерда 2 та ўртоқлик ўйини ўтказади. Ўзбекистон ёшлар терма жамоаси 18 сентябрь санасига қадар Иорданияда машғулотлар олиб боради.

Мазкур ўқув-машғулот йиғини доирасида Иордания ёшлар терма жамоасига қарши 2 марта баҳс юритилиши кўзда тутилган. Дастлабки учрашув 15 сентябрь куни бўлиб ўтса, иккинчи ўртоқлик ўйини 17 сентябрь куни ўтказилади.

Эртадан бошланадиган йиғинда иштирок этадиган футболчилар рўйхати:

№	Исм-фамилия	Туғилган йили	Амплуа	Клуб
1.	Мўминмирзо Қодиров	2002	Дарвозабон	Бунёдкор
2.	Асадбек Полвонов	2001	Дарвозабон	Насаф
3.	Алибек Давронов	2002	Ҳимоячи	Насаф
4.	Достон Турсунов	2001	Ҳимоячи	Пахтакор
5.	Суннатилла Ҳамиджонов	2001	Ҳимоячи	Пахтакор
6.	Саидазамат Мирсаидов	2001	Ҳимоячи	Пахтакор
7.	Иброҳимхалил Юлдошев	2001	Ҳимоячи	Пахтакор
8.	Элдор Бегимов	2001	Ҳимоячи	АГМК
9.	Хуршид Убайдуллаев	2002	Ҳимоячи	Бунёдкор
10.	Диёр Раҳимкулов	2002	Ярим ҳимоячи	Бунёдкор
11.	Иброҳим Ибрагимов	2001	Ярим ҳимоячи	Бунёдкор
12.	Мироншох Сатторов	2002	Ярим ҳимоячи	Бунёдкор
13.	Жасур Жалолиддинов	2002	Ярим ҳимоячи	Бунёдкор
14.	Беҳзод Шамсиев	2001	Ярим ҳимоячи	Пахтакор
15.	Улуғбек Хошимов	2001	Ҳужумчи	Пахтакор
16.	Руслан Розиев	2001	Ҳужумчи	Пахтакор
17.	Миржалол Мирзаев	2001	Ҳужумчи	Пахтакор
18.	Отабек Жўрақўзиев	2002	Ҳужумчи	Бунёдкор
19.	Музаффар Олимжонов	2001	Ҳужумчи	Навбаҳор
20.	Хожимат Эркинов	2001	Ҳужумчи	Қўқон-1912