Ўзбекистон U-16 ўсмирлар терма жамоаси Озарбайжонга жўнаб кетади
28 may 2014 12:57
News

Ўзбекистон U-16 ўсмирлар терма жамоаси Озарбайжонга жўнаб кетади

Ўзбекистон U-16 ўсмирлар терма жамоаси 29 май, пайшанба куни Озарбайжонга жўнаб кетади. Темур Олимхўжаев қўл остидаги жамоа ушбу мамлакатда 5 июнга қадар давом этадиган «Каспий Кубоги» мусобақасида иштирок этади.

Мусобақа гуруҳ босқичида Ўзбекистон U-16 ўсмирлар терма жамоаси Туркия ва Қозоғистон терма жамоаларига қарши тўп суради. Олимхўжаев шогирдлари дастлабки ўйинни 30 май, жума куни Қозоғистонга қарши ўтказса, 1 июнь, якшанба куни Туркия рақиб бўлади.

Мусобақада жами 12 терма жамоа иштирок этиб, уларнинг аксариятини 17 ёшгача бўлган ўсмирлар терма жамоалари ташкил этади. Фақат Ўзбекистон ва Озарбайжон терма жамоалари мусобақада 16 ёшгача бўлган ўсмирлар термаси билан иштирок этади.

Олимхўжаев Озарбайжондаги халқаро мусобақа учун жами 18 нафар футболчини саралаб олди. Уларнинг икки нафари дарвозабон, беш нафари ҳимоячи, олти нафари ярим ҳимоячи беш нафари ҳужумчидир.

«Каспий Кубоги» Ўзбекистон U-16 ўсмирлар терма жамоасининг сентябрь ойида Таиландда ташкил этилиши кутилаётган Осиё чемпионатига тайёргарлигининг бир қисмидир. Ушбу мусобақа финал босқичи «С» гуруҳида Кувайт, Непал ва КХДР ўсмирларига қарши тўп суради.

«Каспий Кубоги»-2014
«А» гуруҳи: Озарбайжон (U-17), Афғонистон Болгария;
«В» гуруҳи: Озарбайжон (U-16), Қирғизистон, Эрон;
«С» гуруҳи: Япония, Грузия, Тожикистон;
«D» гуруҳи: Туркия, Ўзбекистон (U-16), Қозоғистон.

30 май. Ўзбекистон - Қозоғистон
1 июнь. Туркия – Ўзбекистон

Ўзбекистон U-16 ўсмирлар терма жамоасининг «Каспий Кубоги-2014»да иштирок этувчи таркиби

№	Фамилияси, исми	Туғ.йил	Амплуаси	Клуби	Шаҳар
1.	Хўжаев Акром	1998	Дарвозабон	Бунёдкор	Тошкент
2.	Эргашев Умид	1998	Дарвозабон	Насаф	Қарши
3.	Авилов Хушнуд	1998	Ҳимоячи	РОЗК - Пахтакор	Андижон
4.	Ғофурбеков Шаҳзодбек	1998	Ҳимоячи	Янгиер	Янгиер
5.	Усмонов Бурхон	1998	Ҳимоячи	Бунёдкор	Тошкент
6.	Шарипов Раҳим	1998	Ҳимоячи	Машъал	Наманган
7.	Алижонов Илҳом	1998	защитник	Машъал	Андижон
8.	Мақсудов Жаҳонгир	1998	Ярим ҳимоячи	Машъал	Муборак
9.	Абдумажидов Муҳаммад Юсуф	1998	Ярим ҳимоячи	Бунёдкор	Андижон
10.	Кенжабоев Ислом	1998	Ярим ҳимоячи	Насаф	Навоий
11.	Нуруллоев Суҳроб	1998	Ярим ҳимоячи	РОЗК - Пахтакор	Бухоро
12.	Эгамбердиев Мирзоҳид	1998	Ярим ҳимоячи	Нефтчи	Фарғона
13.	Очилов Муҳаммад	1998	Ярим ҳимоячи	Қизилқум	Навоий
14.	Ғаниев Азизжон	1998	Ҳужумчи	Насаф	Жиззах
15.	Кўчимов Жонибек	1998	Ҳужумчи	Динамо	Самарқанд
16.	Ғанижонов Абдуғани	1998	Ҳужумчи	РОЗК - Пахтакор	Андижон
17.	Маҳмудҳожиев Шоҳруҳ	1998	Ҳужумчи	РОЗК-Пахтакор	Наманган
18.	Файзуллаев Амин	1998	Ҳужумчи	Регистон	Самарқанд