Latest news

10:22ПСЖ яна бир талант учун курашга қўшилди  0 09:53Гарначо фаолиятини АПЛда давом эттиришга қарор қилди  2 09:24ЦСКА собиқ футболчиси: "Файзуллаевни ижарага бериш керак"  7 08:55Футзал. Бугун Ўзбекистон кубогининг финал учрашуви бўлиб ўтади  0 08:20УEФА клублар рейтингини янгилади  18 07:57“Милан“ “Ман Сити“ қизиқаётган ҳимоячини сотиб олмоқчи  0 07:21BOOOM. Лионель Месси Роналдунинг жамоадошига айланиши мумкин  12 03:18Мирко Еличич: "Олимпик" ўйинчиларида иштиёқ йўқ эди? Профессионал ўйинчи максимум борини бериши керак"  0 00:17Айбек Нурбоев: "Бугунги ўйиндаги ғалаба жуда муҳим эди, акс ҳолда турнир жадвалида орқада қолиб кетардик"  0 23:25ЕЧЛ финалидан сўнг "Олтин тўп" учун бош даъвогар ким?  38 22:40"Манчестер Юнайтед" янги дарвозабон топди  7 22:17Россия кубоги. ЦСКА суперфиналда пенальтилар серияси орқали "Ростов"ни мағлуб этиб, бош совринга эга чиқди  23 22:08Чемпионлар Лигасининг жорий мавсумдаги энг яхши ёш футболчиси аниқланди  4 21:35Чемпионлар лигаси мавсумининг энг яхши футболчиси аниқланди  6 21:01ПСЖнинг 7 нафар футболчиси, Рафинья, Ямал, Бастони ва Райс EЧЛ мавсуми жамоасидан жой олди  4

Сречко Катанец Қирғиз Республикасига қарши кечган қийин учрашувдан сўнг нималар деди? (тўлиқ матбуот анжумани) News

Сречко Катанец Қирғиз Республикасига қарши кечган қийин учрашувдан сўнг нималар деди? (тўлиқ матбуот анжумани)

Ўзбекистон терма жамоаси бош мураббийи Сречко Катанец ва бугунги учрашувнинг энг яхши футболчиси Элдо Шомуродов Қирғиз Республикасига (2:3) қарши учрашувдан кейинги матбуот анжуманида иштирок этишди.

"Футболчиларим намойиш этган ўйиндан қониқдим ва муҳими биз ғалаба қозондик. Бундай "сюрприз" голларни ўтказиб юборишимиз яхши эмас, бундай голлар рақиб жамоага совға бўлади. Тўғри, биз биринчи бўлиб гол ўтказиб юбордик, аммо дарҳол жавоб қайтара олдик. Айниқса, Шомуродов ўз голи билан жуда тез жавоб қайтарди. Ғалабага лойиқ эдик деб ўйлайман. Дастлабки икки учрашувда максимал натижа қайд этдик ва кейинги учрашувларни катта иштиёқ билан кутмоқдамиз" - дея фикр билдирди Сречко Катанец


Элдор Шомуродов

"Биринчи навбатда асосий вазифамизни бажардик ва уч очкони қўлга киритдик. Кераксиз голларни ўтказиб юбордик, лекин ўйинга тез қайта олдик. Ҳали ўйинлар кўп ва хурсанд бўлишга ҳали эрта. Биринчи бўлимдан сўнг йигитлар гаплашиб олдик ва эътиборлироқ бўлишга келишиб олдик. Иккинчи бўлимда эса ҳисобда олдинга чиқиб олдик. Жаҳон чемпионатига чиқиш учун максимал ҳаракат қиламиз" - дея жавоб берди Элдор Шомуродов бугунги учрашув ҳақидаги саволга

- Кўп муҳокамаларга сабаб бўлган майдон ҳолати қандай экан?

- Майдон ҳолати жуда ёмон эмас экан. Биз бундан ёмонроқ майдонларда ҳам ўйнаганмиз. Икки жамоа ҳам бугун бир хил майдонда ўйнади. Майдон кўпчилик айтганидек ёмон эмас эди.

- Бугунги учрашувда футболчилар бир-бирини яхши тушуна олмагандек ҳиссиёт уйғонди, айниқса биринчи бўлимда кўп хатоларга йўл қўйдик. Ушбу ҳолат ҳақида гапириб ўтсангиз?

- Менимча, биз эътиборлироқ бўла олмадик. Ўйиндан олдин қийин бўлишини билардик. Рақиб ўз уйида ўйнаётгани сабабли, кучли иштиёққа эга эди. Биринчи бўлимда гол ўтказиб юбордик ҳам, муҳими ўйинга қайта олдик ва якунда ғалаба қозондик.




Сречко Катанец

- Қирғизистон терма жамоаси бугун яхши ўйин намойиш этди, аммо жамоангиз тезда жавоб бера олди. Қирғизистон терма жамоасидан бундай курашувчан ўйин кутганмидингиз?

- Ўйин аввалида кераксиз хатоларга йўл қўйдик. Бунга нима сабаб бўлганини билмадим, балки майдон ҳолатидир ёки бошқа бир сабаб. Бугун рақибга кўп маротаба "совға" улашдик, кераксиз вазиятларда оддий хатоларга йўл қўйдик. Бу босқичда хатоларга йўл қўйишга ҳаққимиз йўқ. Концентрацияни йўқотганимиз асосий муаммо бўлди. Эътиборли бўлмасак, ҳар қандай жамоа бизни жазолаб қўйиши мумкин.


Rating: +50   

Comments

championat.asia
< show latest news
Яндекс.Метрика