Ўзбекистон оқ, Непал кўк либосда ўйнайди

Митингда Ўзбекистон U-16 ўсмирлар терма жамоаси бош менежери Асқар Толибжонов иштирок этди.

Менежерлар иштирокидаги мазкур митингда, Осиё Чемпионати гуруҳ босқичи ўйинлари ташкилий масалалари кўриб чиқилди. Митинг якунида «С»гуруҳида иштирок этадиган терма жамоалар 7 сентябрь, эртага бўлиб ўтадиган 1-тур ўйинларида қандай либосларда майдонга тушишига ойдинлик киритилди.

Унга кўра, Ўзбекистон U-16 ўсмирлар терма жамоаси расмий мезбон сифатида Непалга қарши 1-тур ўйинида оқ либосларда майдонга тушади. Непал U-16 ўсмирлар терма жамоаси эса, учрашувда кўк либосларда ўйнайди. Эслатиб ўтамиз, ОЧ «С» гуруҳи 1-туридан ўрин олган Ўзбекистон - Непал учрашуви 7 сентябрь куни бўлиб ўтади. Учрашув Тошкент вақти билан соат 14:00 (Банкок вақти билан 16:00)да бошланади.