Ўзбекистон миллий терма жамоасининг Буркина-Фасога қарши ўйини “Пахтакор” стадионида бўлади
10 aug 2016 11:22
News

Ўзбекистон миллий терма жамоасининг Буркина-Фасога қарши ўйини “Пахтакор” стадионида бўлади

Россияда бўлиб ўтадиган Жаҳон чемпионати-2018 саралашининг учинчи босқичига тайёргарлик кўраётган Ўзбекистон миллий терма жамоасининг расмий ўйинлар олдидан бўладиган Буркина-Фасога қарши ўртоқлик учрашуви “Пахтакор” стадионида ўтказилади.

Аввалроқ ушбу учрашувни ўтказиш учун “Бунёдкор” стадиони танланган эди. Бироқ ушбу стадион 1 сентябрь куни Сурияга қарши бўлиб ўтадиган Жаҳон чемпионати саралашининг учинчи босқичи доирасидаги дастлабки ўйинга яхши ҳолатда тайёр бўлиши учун, 24 августдаги ўртоқлик учрашувини Тошкентдаги бошқа ўйингоҳда ўтказишга қарор қилинди.

Шундай қилиб, Ўзбекистон – Буркина-Фасо назорат учрашуви 24 август куни “Пахтакор” стадионида, соат 20:00да старт олади.

Эслатиб ўтамиз, Ўзбекистон миллий терма жамоасининг навбатдаги йиғини 20 августдан бошланади.

Link :

Source : the-uff.com

Receive latest football news directly on your phone. Subscribe for our Telegram channel!

Rating: +11