Latest news

08:51Ўзбекистон МТЖнинг асосий футболчиси "Андижон"га ўтмоқда  3 08:25Левченко "Нефтчи"да қоладими? Мураббий бу саволга жавоб берди  2 07:55Барчаси "Сантос" учун. Неймар севимли жамоаси учун операциядан воз кечди  1 07:46Неймар гол+пас қайд этган баҳсда "Сантос" йирик ғалабани қўлга киритди  3 07:26Суперлига. Бугун 2 ва 3-ўрин эгаллари аниқланaди  5 01:35Ханси Флик: "0:3 ҳисобидан кейин кайфият тушган"  5 01:14"Арсенал" собиқ футболчиси: "Менимча Слотга Рождествогача имконият берилса керак"  4 00:59Рубен Аморим: "Агарда ўйин сифатини ҳисобга олсак, биз кўпроқ очко тўплашимиз керак эди"  1 00:39Оливер Гласнер МЮни мақтади  1 00:15Сульшер Анчелотти билан бўлган қизиқ ҳолат ҳақида гапирди  5 23:53Гирассини фақатгина 7 клуб сотиб олиши мумкин  1 23:39Манба: Самвел Бабаян - "Андижон" бош мураббийи!  56 23:13Райс "Олтин тўп"ни олиши мумкинми? Артета жавоб берди  0 22:52Андерсон Талиска: "Саудия чемпионати МЛСдан кучсиз эмас. Месси жамоаси у ерда 6:0га ютқазганди"  16 22:13Флик: "Ямал бу ўйинни унутиши керак"  2

Ўткир Юсупов = Зинедин Зидан News

Ўткир Юсупов = Зинедин Зидан

"Пахтакор" ва "Навбаҳор" ўйинидан кейин нималар бўлганини кўпчилик кўриб улгурди.

Кўрмаганлар учун қисқача маълумот: "Навбаҳор" дарвозабони Ўткир Юсупов баҳс тугагач "Пахтакор" формасидаги бир йигитни дўппослашга ҳаракат қилди. Ўша йигит "Пахтакор" фан клуби етакчиси Жавоҳир Шокиров эди. 


Нима учун Юсупов уни урмоқчи бўлди? Чунки Жавоҳир ўйиннинг сўнгги дақиқаларида ("Пахтакор"  олдинга чиқиб олгач) майдон четида тўпни дуч келган томонга тепиб юборди. Стадионга борганларнинг айтишича бу ҳолат камида уч марта содир бўлган. Ютқазаётган ва ҳар сония худди соат каби ўтаёган "Навбаҳор" футболчилари эса хайрон эдилар. Ўткир Юсупов эса баҳс тугагач ўша тепиб юборилган тўплар ҳисобини олишга ҳаракат қилди. 


Мен Ўткирни ҳам, Жавоҳирни ҳам яхши танийман. Улар ҳам мени танишади. Аммо журналист сифатида иккаласининг кечаги ҳаракатларини оқлай олмайман, фақат журналист сифатида. Инсон сифатида эса Ўткир Юсуповнинг ўрнида бўлганимда ўзим ҳам худди шундай қилган бўлардим ва кейинги жазолар ҳақида умуман ўйлаб ўтирмасдим. Ўз вақтида Зинедин Зидан ҳам деярли шунга ўхшаш иш қилганини жуда яхши биласиз. Кейинчалик асли воқеа қандай бўлганини эшитган 99 фоиз одамнинг (Хожибой Тожибоевнинг ҳам) фикри бир хил эди - "Зидан прав!" 


Бир сўзли, қийинчилик кўрган ҳамда ор-номуси кучли бўлган Ўткир Юсупов ҳам ўзини тутиб тура олмади ва Зиданнинг ишини такрорлашга уринди. Катта эҳтимол билан энди ёки жарима тўлайди ёки дисквалификация олади балки иккаласи ҳам бўлади. Буни Юсуповнинг ўзи ҳам билиб турибди деб ўйлайман, лекин шунга қарамай менимча у кечаги ишидан афсусда эмас. Ҳар ҳолда Зидан ҳам "калла қўйгани" учун бир сонияга бўлса ҳам афсусда бўлмаган.


Жавоҳирнинг ҳаракатлари ҳам мухлисликка хос эмас ва у ҳам менимча жазога тортилади. Балки "Пахтакор" клуби ҳам жазоланар, кўрамиз.


Якуний фикрим шундай: Футбол ўз вақтида кимдир айтганидек оддий ўйин эмас, эҳтирослар ўйини ва унда шундай вазиятлар ҳам бўлиб туради.

Рамазон ойи муборак бўлсин.



Rating: +9   

Comments

championat.asia
< show latest news
Яндекс.Метрика