Осиё Кубогига кимлар йўл олди?
29 mar 2016 23:31
News
![](https://championat.asia/upload/storage/203123_original.jpg)
![](/upload/storage/203123_220.jpg)
Осиё Кубогига кимлар йўл олди?
Гуруҳда биринчи ўринни қўлга киритиш билан бирга, вакилларимиз ўзбек футболи тарихидаги еттинчи қитъа чемпионати йўлланмасига эга чиқдилар.
Мезбон БАА ва биз билан бир қаторда қитъа чемпионатига қуйидаги жамоалар йўл олдилар:
1. БАА, 2.Қатар, 3.Жанубий Корея, 4. Япония, 5.Тайланд, 6.Саудия Арабистони, 7. Австралия, 8. Ўзбекистон, 9. Сурия, 10. Ироқ, 11. Эрон, 12. Хитой.
БААда бўлиб ўтадиган Осиё Кубогида жами 24та жамоа иштирок этади. Юқоридаги 12 жамоа сафи икки йил давом этадиган саралаш ўйинлари орқали тўлдириб борилади.
Саралаш ўйинларида гуруҳда энг ёмон натижани қайд этган тўртта иккинчи ўрин, учинчи ўринни банд этган 8та терма жамоа ва энг яхши тўртинчи ўринни эгаллаган тўртта миллий терма жамоалар қитъа чемпионати саралаш ўйинларининг ҳал қилувчи босқичига йўл олдилар.
Булар: КХДР, Иордания, Уммон, Ливан, Гуам, Мьянма, Баҳрайн, Афғонистон, Гонконг, Қувайт, Қирғизистон, Фаластин, Филиппин, Сингапур, Туркманистон ва Вьетнам.
Саралаш ўйинларида омадсиз қатнашган қолган терма жамоалар плей офф босқичида ўзаро куч синашадилар ва улардан сараланганлари юқоридаги жамоалар қаторига қўшилиб қитъа чемпионатига чиқиш учун курашишда давом этадилар. Шу тариқа яна 12та терма жамоа БААда бўлиб ўтадиган Осиё Кубоги йўлланмаси учун кураш олиб боради.
Similar news
![AMP Logo](https://championat.asia/image/logo-amp.png)
Comments