Осиё чемпионати U22. Ўзбекистоннинг рақиблари аниқланди

24 август куни Уммон пойтахти Мускат шаҳрида 2014 йилги U-22 Осиё чемпионати финал босқичига қуръа ташланди. Унга кўра, финал босқичида иштирок этадиган Ўзбекистон U-22 ёшлар терма жамоаси мусобақанинг «D» гуруҳида Саудия Арабистони, Ироқ ҳамда Хитой терма жамоаларига қарши ўйнайди.

Таъкидлаш жоиз, ҳар икки йилда бир маротаба ўтказилиши кўзда тутилган U-22 ёш тоифасидаги мазкур мусобақа ОФК тасарруфида 2014 йили биринчи марта ташкил этилади. ОФК U-22 Осиё чемпионатига 2014 йилнинг 11-26 январь кунлари Уммон мезбонлик қилади.

Эслатиб ўтамиз, Ўзбекистон U-22 ёшлар терма жамоаси 2012 йилнинг июнь ойида Непал мамлакати мезбонли қилган саралаш баҳсларида муваффақиятли иштирок этган ва ОЧ-2014 йўлланмасини қўлга киритган эди.

U-22 Осиё чемпионати. 11-26 январь. Уммон.
Қуръа натижалари.

«А» ГУРУҲИ
Уммон
Иордания
Жанубий Корея
Мьянмар

«В» Гуруҳи
КХДР
БАА
Сурия
Яман

«С» Гуруҳи
Япония
Австралия
Эрон
Кувайт

«D» Гуруҳи
Ўзбекистон
Саудия Арабистони
Ироқ
Хитой

«D» Гуруҳи ўйинлари тақвими.

12 январь
Ўзбекистон – Ироқ

14 январь
Ўзбекистон - Хитой

16 январь
Ўзбекистон – Саудия Арабистони