Осиё чемпионати (U-22) олдидан. Асилбек Омонов: "Ёруғ юз билан қайтмоқчимиз"
06 jan 2014 19:00
News

Осиё чемпионати (U-22) олдидан. Асилбек Омонов: "Ёруғ юз билан қайтмоқчимиз"

Уммонда бўлиб ўтадиган Осиё чемпионати (U-22) олдидан терма жамоамизнинг барча аъзолари сайтимиз учун ўзларининг фикрларини билдириб ўтди.

"Қисқа вақтда йиғилган жамоа деб ҳисобламайман. Бу жамоанинг ўзаги иккита ва ҳар иккиси бирлашса яхшигина жамоани кўрамиз. Асосан Туркияда ўтган ёшлар ўртасидаги Жаҳон чемпионати иштирокчилари ва уларга қўшимча куч сифатида сараланиб олинган футболчилардир. Ҳаммамиз аллақачон битта жамоа бўлганмиз" - дейди Асилбек Омонов.

- Ушбу жамоанинг Осиё чемпионатида имкониятларини қандай баҳолар эдингиз?
- Бизда имконият юқори. Ҳаммада кайфият аъло ва керакли натижага эришишимизга ишонаман. Камида финалгача бориб юртимизга ёруғ юз билан қайтиб келмоқчимиз. Бунинг учун бизда ҳамма шароит ва имконият етарли.

- Сиз ушбу чемпионатдан нималарни кутмоқдасиз?
- Ўзим учун бой тажриба ва ғалабаларни. Қанча юқорироқ натижа қайд этсак биз учун қўшимча куч бўлади. Бу ёшдаги терма жамоа Бразилиядаги Олимпиядага бориш учун курашади ва мен шуни кутаман. Асосийси дарвозамиздан тўп ўтмаслигини кутишим табиийдир.

Ҳумоюн Давуров суҳбатлашди

Link :

Source : championat.asia

Receive latest football news directly on your phone. Subscribe for our Telegram channel!

Rating: