Ўртоқлик учрашуви. Ўзбекистон ёшлар терма жамоаси ғалаба қозонди
31 mar 2014 18:09
News

Ўртоқлик учрашуви. Ўзбекистон ёшлар терма жамоаси ғалаба қозонди

Хабар бериб ўтганимиздек, бугун Ўзбекистон U-19 ёшлар терма жамоаси “Бунёдкор” стадионида “Бунёдкор” ўринбосарларига қарши ўртоқлик учрашувини ўтказди.

Мазкур баҳсда Сергей Лушан бошқарувидаги ёшлар терма жамоамиз 2:0 ҳисобида ғалаба қозонди.

Маълумки, 1995 йилда туғилган футболчилардан иборат терма жамоамизни шу пайтгача Алексей Евстафеев бошқараётган эди, бироқ мураббий ўз илотимосига кўра ишдан бўшади ва ўрнига Сергей Лушан тайинланди. Бу жамоа шу йилнинг кузида Мьянмада бўлиб ўтадиган Осиё чемпионатида иштирок этади.

Бугунги ўйинда голларни “Машъал” ҳужумчиси Элдор Шомуродов билан “Бунёдкор” ўйинчиси Достон Ҳамдамов киритди. Шу билан ёшларнинг пойтахтдаги йиғини якунига етди.

Х.Холиқов.

Link :

Source : championat.asia

Receive latest football news directly on your phone. Subscribe for our Telegram channel!

Rating: