"Оқ-тепа" "Хоразм"ни мағлуб этди

Беллашув меҳмонларнинг ҳисобни очишлари билан бошланди. 5-дақиқадаёқ хоразмлик футболчилар “Оқ-тепа” дарвозасини ишғол қилишди. Лекин меҳмонларнинг хурсандчилиги узоққа чўзилмади. Маъруф Зокиржонов ажойиб зарбаси билан жарима тўпини голга айлантирди.

Орадан кўп ўтмай, меҳмонлар яна ҳисобда олдинга чиқиб олишди. Аммо "Оқ-тепа" футболчилари яна ирода кўрсатишди. Бу сафар ҳисоб пенальтидан сўнг тенглашди. Азамат Мамажонов белгиланган пенальтидан унумли фойдаланиб, ўртадаги мувозанатни тиклади.

Биринчи бўлим охирига қадар "Оқ-тепа"“Хоразм” дарвозасини яна икки бор ишғол қилишди. Ёш иқтидорли ҳужумчи Шоҳруз Норхонов дублга эришди. Шу тариқа икки марта ҳисобни тенглаштирган "Оқ-тепа" футболчилари танаффусга 4:2 ҳисобидаги ғалаба билан чиқиб кетишди.

Танаффусдан сўнг "Оқ-тепа"  мураббийлари таркибда бир қатор ўзгаришларни амалга оширди. Майдонга ёш футболчилар туширилди. Бу табиийки, “Оқ-тепа”нинг ўйинига таъсир кўрсатди. Натижада “Хоразм” аъзолари яна икки марта дарвозани аниқ нишонга олишди, лекин бу сафар ҳам "Оқ-тепа"ирода кўрсатди. "Оқ-тепа"да кўрикдан ўтаётган ҳужумчи Артур Шапран ғалаба тўпини киритди – 5:4.

Бундан аввал “Қўқон-1912” ва “Пахтакор-2”га қарши назорат учрашувларини ўтказиб, унинг ҳар иккисида ҳам мағлубиятга учраган "Оқ-тепа"учинчи баҳсда ғалаба қозонди. Александр Токов бошчилигидаги мураббийлар штаби маълум муддат кўрикдан бўлган Артур Шапранга жавоб берди.