"Олмалиқ"нинг 2017 йилги мавсум кўрсаткичлари
29 nov 2017 11:47
News

"Олмалиқ"нинг 2017 йилги мавсум кўрсаткичлари

2017 йилги футбол мавсумида "Олмалиқ" олий лигада ўнинчи марта иштирок этди.

Кичик юбилей мавсумда "Олмалиқ" таркибида катта ўзгаришлар кузатилди. Дастлаб, 9 йил мобайнида жамоани бошқарган Игорь Шквирин жамоа билан хайрлашди. Унинг ўрнига ўзбек футболига бегона бўлмаган россиялик мутахассис Виктор Кумиков таклиф этилди. Янги мураббийлар штаби таркиби шакллантирилди ва жамоа тайёргарликка киришди.
Январь ва февраль ойларида "Олмалиқ" Туркиянинг Анталия шаҳрида ўқув-машғулот йиғинларини ўтказди. Футболчилар таркиби ҳам тубдан ўзгариб кетди. Дастлабки турда Бухорода кичик ҳисобда мағлубиятга учраган жамоамиз бешинчи турга қадар ўз ҳисобига ғалаба ёзиб қўя олмади. Бу эса жамоа атрофида турли гап-сўзларни келтириб чиқарди. Аммо жамоа аъзолари бирдамликда бу муваффақиятсизликдан чиқиб кета олишди. Бешинчи турда ўз майдонида "Насаф" мағлуб этилгач, жамоа кетма-кет 12 ўйинда мағлубиятсиз серия қайд этди. Бу кўрсаткичлар орқали биринчи давра 4-ўринда якунланди.

Иккинчи давра олдидан жамоа Белоруссия пойтахти Минск шаҳрида ўқув-машғулотларида иштирок этиб қайтди. Афсуски, натижалар бу даврада кутилганидек бошланмади. Бунга жамоа футболчиларининг аксариятида жароҳат борлигини ҳам сабаб қилиш мумкин. Шундай бўлсада, мавсум якунида жамоа ўзига кела бошлади ва мавсумни 44 очко тўплаган ҳолда 7-ўринда якунлади.

Жамоанинг бу натижасига мавсум давомида майдонга тушган 27 футболчи ўз ҳиссасини қўшди. Ўтказилган 30 учрашувда "Олмалиқ" аъзолари рақиб дарвозасини 31 марта ишғол этди. Ўз ҳисобига 6 гол ёзиб қўйган белоруссиялик легионер Владислав Касминин жамоа тўпурари бўлди. Сербиялик Игорь Йелич 5 гол билан иккинчи бўлди. Умумий ҳисобда бу мавсумда "Олмалиқ" дарвозасини 4 посбон қўриқлади. 30 ўйинда рақиблар 32та гол уришга муваффақ бўлишди.

Жамоа аъзоларига 2 марта қизил карточка кўрсатилди ва 58 марта футболчилар сариқ карточкага лойиқ кўрилишди.

Жамоа футболчиларининг умумий статистикаси қуйидагича:

№	Футболчи	Туғилган санаси	Ўйин	Дақиқа	Гол	СК	ҚК
88	Йелич Игорь	28.12.1989	29	2528	5	6	0
55	Бердимуродов Раҳматулло	24.10.1987	27	2430	1	4	0
5	Жўраев Дилшод	21.04.1992	27	2149	2	6	0
90	Касминин Владислав	17.01.1990	27	2430	6	7	0
2	Ҳожиакбаров Абдуқаҳҳор	18.07.1989	27	2274	0	2	0
19	Иномов Ислом	30.05.1984	22	1959	1	6	0
18	Муллажонов Шавкат	18.01.1986	22	1980	2	2	1
10	Норбеков Шоҳназар	18.07.1994	21	1341	3	3	0
11	Клишин Виктор	15.12.1982	20	421	0	0	0
17	Мурзоев Камолиддин	17.02.1987	20	1648	2	4	0
8	Григалашвили Шота	21.06.1986	17	743	1	2	0
15	Мусабеков Фархат	03.01.1994	16	822	0	0	0
23	Полвонов Зафар	19.02.1985	15	1062	3	2	0
13	Тўраев Лутфулла	30.03.1988	15	1214	0	3	0
21	Ғуломов Ғуломҳайдар	21.12.1990	14	858	2	1	0
94	Мухторов Хуршид	09.02.1994	14	1067	0	3	0
70	Рихсибоев Санжар	16.10.1993	14	992	1	2	0
9	Ўринбоев Забиҳилло	30.03.1995	11	380	1	0	0
46	Ходжаев Хуршид	14.02.1988	11	990	0	1	0
7	Раҳматуллаев Алибобо	08.02.1991	10	204	0	0	0
12	Абдулов Роман	10.05.1987	7	630	0	1	0
45	Тўраев Акбар	27.08.1989	7	630	0	0	0
99	Зиёвутдинов Низомиддин	25.04.1998	5	450	0	0	0
77	Исаев Муҳаммад	01.09.1994	5	294	0	2	0
33	Усмонов Дониёр	07.06.1994	4	58	0	0	0
6	Магеррамов Вусол	20.08.1990	2	99	0	1	1
35	Юсупов Дадахон	31.03.1997	1	22	0	0	0