"Олмалиқ": Ҳожиакбаров билан шартнома тузилди, сербияликлар эртага келишади
11 jan 2014 20:05
News

"Олмалиқ": Ҳожиакбаров билан шартнома тузилди, сербияликлар эртага келишади

Пойтахтда ўқув-машғулотларини олиб бораётган "Олмалиқ" таркибида бир қатор ўзгаришлар кузатилмоқда.

2010-2011 йиллар "Олмалиқ" таркибида тўп сурган ҳимоячи Абдуқаҳҳор Ҳожиакбаров янги мавсумда яна "Олмалиқ" шарафини ҳимоя этади. Шунингдек, ўтган мавсум "НБУ-Осиё" сафида ўйнаган дарвозабон Аброр Каримов ҳам машғулотларга қўшилган. Кеча Туркманистондан келиб машғулотларда қатнашган Арслонмурод Омонов жамоани тарк этди. Эртага жамоа таркибига ҳимоячи Дарко Станоевич ва унинг икки ҳамюрти Александр Алимпиевич ва Владимир Радивоевичлар қўшилиши кутилмоқда.

"Олмалиқ" 14 январь куни "Пахтакор" билан назорат ўйини ўтказгач, футболчиларга икки кунлик таътил берилади. 17 январдан машғулотлар Олмалиқда давом эттирилади. Режага кўра жамоамиз бир қатор назорат ўйинлари ўтказади. 21 январда Фарғонанинг "Нефтчи", 25 январь куни Муборакнинг "Машъал", 30 январь куни Самарқанднинг "Динамо", 3 февраль куни Бухоронинг "Бухоро" ва 7 февраль куни Бекободнинг "Металлург" жамоалари спарринг рақиб вазифасини ўташади.

Link :

Source : fc-olmaliq.uz

Receive latest football news directly on your phone. Subscribe for our Telegram channel!

Rating: