Олий лига-2016. "Қизилқум" энг кўп пенальти тепди, "Олмалиқ" дарвозасига энг кўп пенальти тепишди

2016 йилда олий лига ҳакамлари жами 78 марта пенальти белгилашди. Шуларнинг 61таси гол билан якунланди.

Бу мавсумда Навоийнинг "Қизилқум" клуби энг кўп пенальти тепди - 11та. Жамоа аъзоси Илҳом Юнусов 8 марта 11 метрли жарима тўпини амалга оширди.

Кейинги ўринларда "Бухоро" ва "Обод" клублари жой олишган - 7тадан пенальти. Энг кам пенальти тепган жамоа бу Муборакнинг "Машъал" клуби ҳисобланади - 1та.

Дарвозаси томон энг кўп пенальти белгиланган жамоа бу "Олмалиқ" бўлди - 11та. "Обод" бу борада иккинчи бўлди - 9та. Кейинги ўринларни "Машъал" ва "Нефтчи" эгаллашди - 8тадан. Дарвозаси томон энг кам пенальти белгиланган жамоалар "Бунёдкор" ва "Бухоро" - 1тадан.


Нарзулла Сайдуллаев