Эрон Про лигаси. Захирадан тушган Ўрунов 90+1 дақиқада гол уриб, жамоасига ғалаба тақдим этди, Машарипов захирадан тушди, Юсупов тўлиқ ўйнади, Яхшибоев эса...

"Хейбар" дастлаб 25-дақиқада Фарид Амирининг голи эвазига ҳисобни очди, Фаршад Аҳмадзода эса уни тенглаштирди. 78-дақиқада меҳмонларнинг ўзбекистонлик хавбеки Остон Ўрунов захирадан ўйинга қўшилди ва 90+1 дақиқада жамоасига ғалаба тақдим этган голга муаллифлик қилди.

"Истиқлол" ўз уйида "Чадормалу" билан нурсиз дуранг ўйнади, мезбонларнинг ўзбекистонлик ярим ҳимоячиси Жалолиддин Машарипов 77-дақиқада захирадан майдонга тушди.

"Фулад" ўз уйида Муҳаммад Ризо Сулаймонининг дубли эвазига ғалабага эришди, меҳмонлардан Шахин Таваколи ўз номини таблога ёздириб қўйди. Мезбонларнинг ўзбекистонлик посбони Ўткир Юсупов ўйинда тўлиқ ҳаракат қилди.

Учрашув жанговар 3:3 ҳисобидаги дуранг билан якунланди. Афсуски, меҳмонлар сафида ўзбекистонлик ярим ҳимоячи Жасур Яхшибоев захирада қолдирилди.