Олий лига-2013. 26-тур дисквалификациялари

“Гулистон” ярим ҳимоячиси Раббим Ҳасанов “Динамо”га қарши кечган ўйинда мавсумда ўзининг 8-огоҳлантиришини олди. Энди у охирги турда бўлиб ўтадиган “Қизилқум”га қарши ўйинни ўтказиб юборади.

“Бунёдкор” кейинги турда ҳимоячи Хайрулла Каримовнинг хизматларидан фойдалана олмайди. Боиси тажрибали ҳимоячи Қаршида “Насаф”га қарши баҳсда қизил карточка олиб майдонни тарк этди. У 26-турдан ўрин олган “Сўғдиёна”га қарши баҳсни томоша қила олади холос.

Олий лигани тарк этиши маълум бўлиб улгурган “Шўртан” сафида икки нафар футболчи майдонга туша олмайди. “Пахтакор”га қарши ўйинда Азиз Алижонов мавсумда ўзининг 4-сариқ карточкасини олган бўлса, Иброҳим Отахонов қизил карточка ишлаб олди. Бу икки ўйинчи 8 ноябрь куни Ғузорда “Металлург”га қарши бўлиб ўтадиган ўйинда жамоасига ёрдам бера олмайди.  


Нарзулла Сайдуллаев