Олег Тюлькин: "Машъал" ўйинимизни яхши ўрганган экан"

- Ҳар икки жамоа учун ҳам оғир баҳс бўлди. Қатор имкониятларни юзага келтирган бўлсакда, вазиятлардан унумли фойдалана олмадик. Рақиб ўйинимизни яхши ўрганган экан, ҳимояда барқарор ўйин намойиш этди. Бугун ютишимиз ҳам, мағлуб бўлишимиз ҳам мумкин эди. Шунга қарамай, ўйингоҳда бизни қўллаб-қувватлашдан чарчамаётган мухлисларимизга раҳмат дейман.

- Жамоа сардори Акмал Бозоров, шунингдек Абдужамол Исроилов, Дамир Низанов, Михаил Наумовларнинг таркибда йўқлиги нима билан боғлиқ?

- Афсуски, жароҳат уларга панд бермоқда. Шу боис майдонга тушира олмаяпмиз.

- Олдинда «Машъал»га қарши кубок баҳси кутиб турибди…

- Ушбу баҳсга ҳам пухта тайёргарлик кўришга интиламиз. Кубок учрашувида керакли натижа қайд этиш муҳим. Ҳар икки жамоа учун ҳам оғир бўлади ушбу баҳслар.

- Беш кун ичида футболчилар тикланишга улгуришадими?

- Айни дамда рақибимиз ҳам биздек вазиятда. Шундай экан, жисмоний ҳолатни тезроқ тиклашга интиламиз.