ОКМК сафида япониялик футболчи кўрикдан ўтмоқда
09 feb 2024 18:50
News

ОКМК сафида япониялик футболчи кўрикдан ўтмоқда

ОКМК клубининг Туркиядаги йиғини давом этмоқда.

Айни пайтда Миржалол Қосимов бошчилигидаги жамоа Украинанинг "Верес" клубига қарши ўртоқлик учрашувини ўтказмоқда. Олмалиқ клуби сафида япониялик Арихиро Сентоку кўрикдан ўтмоқда ва бугун асосий таркибда майдонга тушди.

1998 йил туғилган футболчи фаолияти давомида "Ком", "Подгорица", "Искра", "Рудар" (барчаси Черногория), "Вождовац" (Сербия) каби клубларда тўп тепган.

Transfermarkt порталига кўра, Сентоку 125 минг еврога баҳоланган. Ҳужумкор ярим ҳимоячи бутун фаолияти давомида 176та ўйинда майдонга тушиб 18та гол урган ва 3та голли узатмани амалга оширган.