Latest news

19:10Сергей Лебедев: "Ўтган ўйиндаги каби ҳаракат қила олмадик"  0 18:53"Интер"нинг бўлажак мураббийи "Парма"ни тарк этди  0 18:32Расман: Николич ЦСКА бош мураббийлигидан кетди  1 18:20"Манчестер Сити" дарвозабони клубни тарк этди  0 17:53"Атлетико" Қозоғистондаги академия қароргоҳи лойиҳасини тақдим этди  2 17:35"Қизилқум"ни энди ким бошқаради?  4 17:31Қайғули хабар: "Брешиа" клуби банкрот деб эълон қилинди  4 17:15Расман: "Нефтчи" афсонаси клубга қайтди  12 17:05"Сўғдиёна" ҳужумчиси: "Халқаро майдонда Россия клублари етишмаяпти"  11 16:55Факт: Қатар ЖЧ-2026 саралашида меҳмонда ҳали ғалаба қозонмади. Сафардаги сукунат давом этадими?  9 16:30Расман: Мирзад Механович "Андижон"ни тарк этди  5 16:05Роналду "Ал Насср"да қолишини тасдиқлади  7 15:20Қосимов, Аҳмедов, Зейтуллаев, Тожиев - Қатар билан ўзаро ўйинлар тўпурарлари   12 15:00Аҳмад Ал-Жани: "Мундиалга бир қадам қолди"  10 14:50Сречко Катанец Қатар билан ўйинни "Бунёдкор" стадионида томоша қилади  42

ОФК кубоги-2021. "Хўжанд" бош мураббийи Рустам Ходжаев: "Насаф"нинг кучли ва кучсиз томонлари ҳақида ҳозир гапира олмайман" News

ОФК кубоги-2021. "Хўжанд" бош мураббийи Рустам Ходжаев: "Насаф"нинг кучли ва кучсиз томонлари ҳақида ҳозир гапира олмайман"

ОФК кубоги 2-туридан ўрин олган "Хўжанд" - "Насаф" учрашувидан олдинги матбуот анжуманида Тожикистон клуби бош мураббийи Рустам Ходжаев ва футболчи Дилшод Бозоров иштирок этди.

"Ўйиндан олдин нима дейиш мумкин? Эртанги рақибимиз "Насаф" - "тажрибали жангчи"лардан бири. Ўзбекистон чемпионати Марказий Осиёда етакчилардан бири. Шу боис рақиб жуда яхши тайёрланган, рақиб ўз вазифаларига эга, аммо биз ҳам ўз мақсадларимизга эгамиз. Эртага ижобий натижа қайд этишга ҳаракат қиламиз.

Ҳозир ўйлашимча футболда ҳеч қандай сирлар йўқ. Рақиблар бир-бирини ўрганади. Бизда ҳеч қандай сир йўқ. Ўйинларга тайёргарлик жараёнида рақибларни ўргандик. Тўғри "Насаф" биринчи турда 4:0 ҳисобида ғалаба қозонди, аммо бу ҳеч нарсани англатмайди. Эртага ўз ўйинимизни намойиш этишимиз керак, натижа айнан эртанги баҳсдаги ҳаракатларга қараб бўлади.

Кўпчилик 1-турда 9 кишига қарши ўйнадинглар демоқда. Аммо иккинчи қизил карточка 84-дақиқада кўрсатилди, футболчи майдонни тарк этгунча 89-дақиқа бўлди. Биз зарба бердик ва 90-дақиқа бўлди. Ҳакам қўшимча дақиқалар қўшиб берди ва рақиб 5 дақиқа давомида 9 киши бўлиб ўйнади холос. Биринчи таймдаги қизил карточкадан кейин рақиб икки карра куч билан ўйнади. Биз биринчи таймнинг ўзида иккита гол ура олдик ва олдинга чиқиб олдик. Тайм охиридаги гол барчасини барбод қилди. Иккинчи таймга "Олтин Аср" ўз режаси билан тушди ва натижага эришди. Биз ҳужумга ўтдик, аммо бор кучимиз билан олдинга ўтсак рақиб қарши ҳужумда бизни жазолаши мумкин эди. Бу сўнгги, ҳал қилувчи баҳс эмасди. Юта олмаганимиз албатта бизнинг айбимиз. Аммо ҳозирча бу ҳеч нарсани англатмайди.


 


Биринчи таймда биз иккита гол урдик, агар ҳимояда яхши ўйнасангиз иккита гол ғалаба учун етарли бўлади. Биз футболчиларнинг ҳолатини ўрганамиз, таркиб борасида ҳеч нима дея олмайман. Ўйингача бир сутка вақт бор. Ким баҳсга кўпроқ тайёр бўлса ўша майдонга тушади.

Илк турда ҳужумкор ўйнадинглар дейишмоқда. Рақиб бунга имкон берди ва шундай ўйнадик. Рақибга қараб ўйнаймиз. "Олтин Аср" жамоасининг 70-80 фоизи Туркманистон миллий терма жамоаси аъзолари ҳисобланади. Биздан фақат бир футболчи Тожикистон терма жамоасига чақирилади. Рақиб ҳолатини ўргангандик, бутун ўйин давомида ҳужум қилишни режалаштирмагандик. Эртанги баҳсга ҳам рақибдан келиб чиқиб ўйин намойиш этамиз. "Насаф" билан ўйинда қандай тактикада ўйнашимизни эртага билиб оласизлар.

"Насаф"нинг кучли ва кучсиз томонлари ҳақида ҳозир гапира олмайман. Буни эртага кўрасизлар. Тўғри рақибнинг ўз ўйин услуби бор, жамоа яхши ва қизикарли ўйин намойиш этади. Уларга қарши қандай ўйнашимизни эртага кўрасизлар", - дейди Рустам Ходжаев.

"Эртанги баҳсдаги вазифамиз - майдонга тушиш ва ғалаба қозониш. Бизда бошқа йўл йўқ, сабаби биринчи турда дуранг ўйнадик. Шу боис эртага бор кучимиз билан ўйнашимиз ва ғалаба қозонишимиз шарт", - дейди Дилшод Бозоров.


 

 

Толибжон Қосимов

Душанбе, Тожикистон


FK Khujand

AFC Cup Grp. F . Round 2

17/05/2021, 22:05

3
:
0
Finished

Nasaf Qarshi

45'
90'

Rating: -14   

Comments

championat.asia
< show latest news
Яндекс.Метрика