Latest news

12:23Тимур Кападзе ва Азизбек Турғунбоев иштирок этган матбуот анжуманида қандай фикрлар янгради? (Тўлиқ матбуот анжумани)  3 11:56Тимур Кападзе Паулу Бенту ҳақида фикр билдирди  15 11:44Карлуш Кейруш: "Бир неча йил аввал Ўзбекистон футболи "уйқу"да эди"  6 11:40Карлуш Кейруш Паулу Бенту ҳақида фикр билдирди  0 11:20Ўзбекистон МТЖ эртага янги формада ҳаракат қилади  5 10:53Довбик А Сериянинг бошқа жамоасига ўтишга яқин  2 10:28Хави Симонс фаолиятини АПЛда давом эттиради (Фабрицио Романо)  4 09:57Адриен Рабьо "Милан"га ўтмайди, онаси унинг "Марсель"да қолишини истамоқда  1 09:25Ислом Исмоилов: "Жаҳон чемпионати олдидан Англия, Канада, Марокашга қарши ўйнаш жамоага куч беради"  1 08:56"Ньюкасл" Исакнинг ўрнига Германиядан ҳужумчи олиб келади  7 08:30"Ньюкасл" Исакни "Ливерпул"га сотишга рози бўлди  2 08:02Sofascore. Кечаги учрашувда Шомуродов ва Файзуллаев неча баҳога лойиқ кўрилди?  46 07:28Аморим энг ёмон натижани қайд этмоқда  5 01:51Расман: Оле-Гуннар Сульшер истеъфога чиқарилди  2 01:30Отабек Боймуродов: "Ҳар бир рақиб учун алоҳида тайёрланамиз"  5

Одил Аҳмедов: "Катта йўлга чиқдик!" News

Одил Аҳмедов: "Катта йўлга чиқдик!"

Эртага Одил Аҳмедов футбол академияси қошида ташкил этилган "Олимпия" жамоаси Ўзбекистон Кубогида 1-тур учрашувини ўтказади.

Рақиб кубок учун асосий даъвогарлардан бири – "Навбаҳор". Баҳс олдидан клуб раҳбари Одил Аҳмедов билан қисқача суҳбатлашдик.

- Йил бошида 2 нафар футболчимиз Про лигадаги "Локомотив" ва "Пахтакор" U-21 жамоалари сафига бориб қўшилди. Қолган ўйинчиларни ҳам шакллантириш мақсадида Биринчи лигага жамоа қўйишга қарор қилдик. Натижада 6 йил аввал ташкил қилган академиямиз, бугун Олимпия захиралари коллежи билан ҳамкорликда катта клубга айлана олди. Биз жорий мавсум ПФЛ Биринчи лигасига жамоа қўйиш билан бирга, кубок саралаш ўйинларида ҳам қатнашдик. Даставвал жамоа "Қумқўрғон-1977" жамоасини мағлубиятга учратди, кейин "Жайхун"дан устун келди. Шундан сўнг биз "Андижон", "Навбаҳор" ва "Олимпик" жамоалари ўрин олган гуруҳдан жой олдик. 

- Жамоа уй ўйиниларини қайси аренада ўтказади?

- Шу ўринда, Ўзбекистон ёшлар сиёсати ва спорт вазирлиги қошидаги Республика олимпия ва паралимпия захиралари коллежига ўз миннатдорчилигимни билдириб ўтсам. Айнан шу даргоҳ билан ҳамкорликда ишлаб келяпмиз. Ўзим ҳам шу мактаб тарбияланувчисиман. Биз ўқиб юрган кезларимизда бу ердаги стадионда Иккинчи лига учрашувлари бўлар ва мен гуруҳдошларим билан барча ўйинларни томоша қилардик. Мана шу анъанани тикладик, энди бу ердаги стадионга катта футбол қайтди. Уй ўйинларимизни айнан шу аренада ўтказамиз. ФИФА талабларига тўлиқ жавоб берадиган иккинчи стадионимизни ҳам қурилиш ишлари битиб қолди. Бу ҳақда кейинроқ батафсил, ўша ерда гаплашамиз.

- Эртанги ўйин ҳақида нима дейсиз?

- Таркибимиз негизи 2006 йилда таваллуд топган футболчилардан иборат. Мақсадимиз – уларни катта футболда чиниқтириш. Ўзбекистон Кубоги бизнинг ёш тарбияланувчилар учун жуда катта тажриба майдони. Энг асосий вазифамиз – футболчиларимизни Суперлига жамоаларига тайёрлаб бериш.

Эслатиб ўтамиз, эртанги учрашув Тошкентдаги РОЗК стадионида 16:45 да старт олади.

Rating: +8   

Comments

championat.asia
< show latest news
Яндекс.Метрика