ОЧЛ. "Ал Аҳли" "Насаф"га қарши жиддий тайёрланмоқда
15 mar 2015 11:35
News

ОЧЛ. "Ал Аҳли" "Насаф"га қарши жиддий тайёрланмоқда

Осиё чемпионлар лигаси 3-турида Қаршининг "Насаф" клуби Дубайда "Ал Аҳли" клуби меҳмони бўлади.

Дастлабки икки турда 1 очко тўплаган "Ал Аҳли" клуби 18 мартда бўладиган ўйинга жиддий тайёрланмоқда. Одатда ўйинга бир кун қолганида тўпланадиган "Аҳли" 14 мартдан "Насаф"га қарши тайёргарликни бошлаб юборди.

Бош мураббий Космин Оларио жамоа футболчиларига матбуотга интервью беришни тақиқлаб қўйган.

Жамоага оид яна бир янгилик сифатида 5 нафар футболчининг ҳарбий хизматга чақирилганини айтиш мумкин. Иккинчи дарвозабон Аҳмад Маҳмуд, асосий ҳимоячилар Волид Аббос, Абдулазиз Санқур, Абдулазиз Ҳайкал ва ярим ҳимоячи Ҳумаид Абдулла Аббос мавсум охиригача жамоага ёрдам бера олишмайди.

Эслатиб ўтамиз, "Ал Аҳли" - "Насаф" учрашуви 18 март куни Дубайдаги "Рашид" стадионида бўлиб ўтади. Ўйин Тошкент вақти билан соат 21:35да бошланади.

Link :

Source : championat.asia

Receive latest football news directly on your phone. Subscribe for our Telegram channel!

Rating: