ОЧЛ-2015. Рақибларимиз ўйинлари ҳақида

"Пахтакор", "Локомотив" ва "Насаф" клубларининг Осиё чемпионлар лигаси гуруҳ босқичидаги рақиблари қайд этган натижаларни эътиборингизга ҳавола қиламиз.

"Пахтакор" билан бир гуруҳдан ўрин олган БААнинг "Ал Айн" клуби сафарда "Банияс"ни 3:0 ҳисобида мағлуб этди. Асамоа Гьян дублга эришди, Мирослав Стох битта гол урди. "Ал Айн" 10та ўйиндан 23 очко тўплаб мусобақа жадвалининг 2-поғонасида бормоқда.

"Банияс" - "Ал Айн" 0:3
Голлар: А.Гьян 38, 55, М.Стох 41.
 
"Шерлар"нинг яна бир рақиби Саудия Арабистонининг "Ал Шабаб" клуби сафарда "Ал Иттиҳод"дан устун келди - 1:0. "Шабаб" 12та турдан сўнг 27 очко билан 3-ўринда бормоқда.

"Ал Иттиҳод" - "Ал Шабаб" 0:1
Гол: Абдулмажид Ал Сулаиҳим 90+5


"Локомотив"нинг рақиби "Ал Ҳилол" клуби "Ал Наср" меҳмони бўлиб 0:1 ҳисобида мағлуб бўлди. "Ҳилол" 11та учрашувда 23 очко тўплаб 4-ўринда жойлашган.

"Ал Наср" - "Ал Ҳилол" 1:0
Голлар: Муҳаммад Ал Саҳлави 69 пенальти

"Темирйўлчилар"нинг иккинчи гуруҳдоши "Фулад" "Персеполис" меҳмони бўлиб 2:1 ҳисобида ғалаба қозонди. Алойс Нонг ғалаба тўпини киритди. "Фулад" 31 очко тўплаб 17та турдан сўнг мусобақа жадвалида 4-ўриндан жой олган.

"Персеполис" - "Фулад" 1:2
Голлар: Муҳаммад Нури 43 - М.Бенгар 1 автогол, А.Нонг 72.


"Насаф"нинг рақиби Эроннинг "Тракторсози" клуби ўз майдонида "Зоб Оҳан"ни қабул қилиб 2:1 ҳисобида зафар қучди. Мезбонлар сафида Байрами ва Иранпуриан гол уришди. "Тракторсози" 31 очко билан мусобақа жадвалида 3-поғонада бормоқда.

"Тракторсози" - "Зоб Оҳан" 2:1
Голлар: М.Байрами 31, М.Иранпуриан 83 пенальти - М.Ҳасанзода 43.

"Аждарлар"нинг гуруҳдаги яна бир рақиби БААнинг "Ал Аҳли" клуби ушбу тур ўйинини бугун сафарда "Ал Ваҳда" меҳмони бўлади.