"Обод". Яна бир футболчимиз олий лигада дебютини нишонлади

Асосан ёш ўйинчиларнинг хизматидан фойдаланаётган жамоамиз сафида бу йилнинг ҳисобидан учинчи футболчи олий лигада ўз дебютини нишонлади. Бунга қадар 1996 йилда туғилган Ислом Исмоилов ва Аббос Саидкаримов катта футболга "Обод" орқали қадам ташлаган бўлса, куни кеча бўлиб ўтган 11-тур баҳсида яна бир ёш ўйинчи Жаҳонгир Омонов тарихда қолди. 1999 йилда таваллуд топган Омонов 18 ёшида олий лигада тўп тепишга муваффақ бўлди. Ўйлаймизки, ҳар уччала футболчимиз ҳам келажакда "Обод"га катта ёрдами тегадиган, тажрибали ўйинчи бўлиб етишади. Қолаверса, дебютантлар сони йил давомида яна ошишига ишонамиз.