«Ньюкасл»нинг филиппинлик мухлиси 11 минг километр учиб келиб ўйинга кира олмади
15 oct 2017 23:05
News

«Ньюкасл»нинг филиппинлик мухлиси 11 минг километр учиб келиб ўйинга кира олмади

«Ньюкасл»нинг филиппинлик мухлиси Кендрик Мон Де Леон АПЛ доирасидаги «Саутгемптон»га қарши ўйинига катта пул сарфлаб учиб келганди.

Ўйин аслида 14 октябрь куни бўлиб ўтиши керак эди, аммо кейинроқ бир кун кейинга кўчирилди. Мухлис самолёт чиптасини алмаштира олмасди.

«Балки, мен «Ньюкасл»нинг ягона филиппинлик мухлиси бўлсам керак.

Бу ерга келиш учун каттагина пул ишлатдим. 14 октябрь куни бўлиб ўтиши керак бўлган баҳсга 6795 миль (11 минг км) йўл босиб учиб келдим.

Филиппинга қайтиш рейсим ўйин бошланган вақтга тўғри келиб қолди.

P.S. Рейсни алмаштира олмайман (бу ме учун жуда қимматга тушади), умид қиламанки улар 3 очкога эга чиқишади. Жуда хафаман», – деб ёзди мухлис инстаграмдаги ўз саҳифасида.