"Ньюкасл" А Сериядан Исакка ўринбосар топди
15 aug 16:24
News

"Ньюкасл" А Сериядан Исакка ўринбосар топди

"Ньюкасл" раҳбарияти жамоада ўйнашни истамайдиган ва машғулотларни ўтказиб юбораётган швециялик ҳужумчи Александер Исакнинг ўрнига футболчи топиб қўйди.

"La Gazzetta dello Sport" маълумотларига кўра, "ҳаккалар" скандинавиялик форвард ўрнига Туриннинг "Ювентус" клубидан сербиялик Душан Влаховични сотиб олмоқчи. Сербиялик ҳужумчи ёзги трансфер ойнаси ёпилгунига қадар "Ньюкасл"га ўтиши мумкин.

Қайд этиш жоиз, “Ювентус” мураббийлар штаби янги мавсумда Влаховичга ишонч билдирмаслигини айтган. Айни дамда экспертлар сербияликнинг трансфер қийматини 35 миллион еврога баҳоламоқда.

Душан Влахович ўтган мавсум "кекса синьора" таркибида Италия чемпионатида 29 ўйин ўтказиб, 10 та гол урган ва 4 та голли узатмани амалга оширган.

Link :

Source : La Gazzetta dello Sport

Receive latest football news directly on your phone. Subscribe for our Telegram channel!

Rating: +3