Нойернинг қачон сафга қайтиши тахмин қилинди

“Бавария” сардори Мануэль Нойер Қатардаги мундиалдан кейин дам олиш вақтида чанғи учаётганида оёғини синдириб олганди. Юлиан Нагельсманн киперни мавсум охиригача йўқотди ва шу туфайли клуб Ян Зоммер билан шартнома имзолади.

Тахминларга кўра, Нойер анча тез соғаймоқда ва янги мавсум олдидан тайёргарлик жараёнида, аниқроғи, июль ойларида сафга қайтиши кутилмоқда.

36 ёшли кипери жароҳат олишига қадар 2022/23 йилги мавсум “қизиллар” сафига 16 баҳсда қатнашиб, 14 та гол ўтказиб юборди ва 7 учрашувда дарвоза даҳлсизлигини сақлаб қолганди.