«Норин» ПРО-Лигадан четлатилади...ми?

Ҳаққулободликлар бу кетишда чемпионатдан олиб ташланиши ҳам ҳеч гап эмас. Гап шундаки, жамоа раҳбарияти футболчиларнинг ойлик маош ва мукофот пулларини бермай келмоқда. Натижада футболчилар танаффусга қадар жамоа лагерини тарк этмоқда. Айтишларича, «Норин» жамоаси «Сурхон» билан ўйинга Термизга 11 нафар футболчиси билан сафар уюштирган. 

Бу борада жамоа аъзолари билан суҳбатлашганимизда, улар ҳам буни тасдиқлади. Бош мураббий Вали Келдиевни ҳам агарда вазият шу йўсинда давом этгудек бўлса, афтидан яқин орада «Норин» билан хайрлашиши кутилмоқда. Воқеалар ривожи қандай тус олишини вақт кўрсатади.