Нима учун Наманган?

Лекин, нима учун айнан Наманган? Бу саволга жавобни кўпчилик беряпти.

Аслида бошқа мусобақалари каби фақат битта шаҳар, Тошкент мезбон бўлиши кутилганди (Олмалиқ бундан мустасно, у ерга фақат ўйин учун борилади. Қоидага кўра 1 соатлик йўл норма ҳисобланади. 102 билан Тошкент Олмалиқ масофаси яшил зона орқали юриладиган бўлса, 50-60 дақиқалик йўл).

Бу каби мусобақаларни қабул қилиш учун асосий талаб 3та! Халқаро аэропорт, меҳмонхона ва стадион. Наманган номзоди эса, вилоят ҳокими Хайрулла Ҳайитбоевичнинг ташаббуси орқали чиқди. Намангандаги шароит, Қашқадарёда ҳам йўқ эмас. Самарқандда ҳам амалласа бўларди. Аммо шулар ичидан бирини танлашга келганида, бу борада айни пайтда ҳокимлар ичида футболга энг кўп ҳисса қўшаётган Хайрулла Бозоровнинг таклифи ОФКга ҳам маъқул келди.

Наманганда асосан гуруҳ ўйинлари ва чорак финал ўтади. Барча ярим финал ўйинларига Тошкент стадионлари мезбонлик қилиши кўзда тутилган. Аммо шу ўйинларнинг ўзиёқ водий учун катта байрамга айланиши мумкин, агар унга қадар карантин тугатилиб, стадионларга мухлислар ташрифига йўл очилса. Менга қолса, Ўзбекистон гуруҳда яхши қатнашиб 1/4 финалга йўл олса, ЖЧ тақдирини ҳал қиладиган учрашув Наманганда бўлгани яхши. 12-ўйинчи сифатида, камида 30 минг нафар мухлис терма жамоамизга далда бўлади.

Имкон қадар «Бунёдкор» стадионида ўйнамаслигимиз керак. Кузга келиб яна аввалги ҳолатига келмаслигига ҳеч ким кафил бўлмайди. Бундай ҳолларда энг яхши вариант «Локомотив» стадиони. Афсуски ЖАР стадиони рўйхатда йўқ. Бугунги кунда майсаси бўйича суперлига клублариникидан ҳам яхши ҳолатдаги арена. Ўт-бўтини қараб қўйса бўлгани.

Нима бўлган тақдирда ҳам, бу узоқ танаффусдан кейин ўтказиладиган Осиё чемпионати. Шу кунгача Ўзбекистон 2008 ва 2010 йилларда ўсмирлар ўртасидаги Осиё чемпионатига мезбонлик қилган холос. Бу савиядаги мусобақа учун дебютантмиз.

2001 йилларда таваллуд топган терма жамоа бош мураббийи - Тимур Кападзе. Бу терма жамоа олдида турган яна бир муҳим вазифа, 2024 йилги Олимпиада ўйинларига чиқиш.

Омад

@Nadirkhuja